മദീന മുനവ്വറ: ഇന്ത്യൻ ഹാജിമാരുടെ ആദ്യ സംഘത്തെ എയർപോർട്ടിൽ എംബസി ഉദ്യോഗസ്ഥരുടെ നേതൃത്വത്തിൽ ഹജ്ജ് മിഷൻ അധികൃതരും വിഖായ ഉൾപ്പെടെയുള്ള മലയാളി സംഘങ്ങളും സ്വീകരിച്ചു. രാവിലെ എട്ട് മണിയോടെയാണ് ഇന്ത്യൻ ഹാജിമാരുടെ മുംബൈയിൽ നിന്നുള്ള ആദ്യ വിമാനം മദീനയിലിറങ്ങിയത്. ആദ്യ ഹജ്ജ് സംഘത്തെ എസ്.ഐ. സി മദീന സെൻട്രൽ കമ്മറ്റിയുടെ നേതൃത്വത്തിൽ വിഖായ വളണ്ടിയർമാർ ഊഷ്‌മള സ്വീകരണമാണ് നൽകിയത്.

സമസ്ത ഇസലാമിക് സെൻറർ നാഷണൽ കമ്മറ്റി നേതാക്കളായ സെയ്തു ഹാജി, റാഷിദ് ദാരിമി ചെമ്പിലോട്, സുലൈമാൻ ഹാജി, അഷ്റഫ് തില്ലങ്കേരി, അഷ്‌കർ വേങ്ങര, മദീന വിഖായ വിംഗ് ഭാരവാഹികളായ അബ്ദുൽമജീദ് പാവുക്കോണം, ഷൗകത്തലി ഫൈസി, വാഹിദ് ചെമ്പിലോട്, അഷ്‌റഫ് കാപ്പാട്ട്, ഷമീം കുന്ദമംഗലം തുടങ്ങിയവർ സന്നിഹിതരായി. ഹജ്ജ് സേവന പ്രവർത്തനങ്ങൾക്ക് മദീന വിഖായ വിംഗ് ഈ വർഷം വിവിധ പദ്ധതികൾ ആവിഷ്കരിച്ചിട്ടുണ്ട്.