തെഹ്‌റാന്‍: ഇനി യുദ്ധം ഉണ്ടായാല്‍ അത് ആഗോള യുദ്ധമാകുമെന്ന് ഇറാന്റെ മുന്നറിയിപ്പ്. യുദ്ധം കൊടുമ്പിരി കൊണ്ട ഈ മാസം പോലും ഇറാന്‍ പുതിയ മിസൈലുകള്‍ വികസിപ്പിച്ചെന്നും, ആക്രമണം തുടര്‍ന്നാല്‍ അവ ഉപയോഗിക്കുമെന്നും മുതിര്‍ന്ന കമാന്‍ഡര്‍ ബ്രിഗേഡിയര്‍ ജനറല്‍ മുഹമ്മദ് റേസ മുന്നറിയിപ്പ് നല്‍കി. ഇറാന്റെ മിസൈല്‍ ശേഷിയെ തടയാന്‍ അമേരിക്കക്കോ, ഇസ്‌റാഈലിനോ കഴിയില്ലെന്നും അദ്ദേഹം പ്രസ് ടിവിയോട് പറഞ്ഞു. 

ബുധനാഴ്ച്ചയോടെ ധാരണയില്‍ എത്തിയില്ലെങ്കില്‍ ആക്രമണം തുടരുമെന്ന യുഎസിന്റെ ഭീഷണിക്ക് പിന്നാലെ ശക്തമായ മുന്നറിയിപ്പുമായി ഇറാന്‍ രംഗത്തെത്തിയത്. മേഖലയിലെ നാവിക ഉപരോധം തുടരുമെന്ന് ട്രംപ് പ്രഖ്യാപിച്ചതിന് പിന്നാലെ ഹോര്‍മുസ് കടലിടുക്ക് പൂര്‍ണമായും അടച്ചെന്ന് ഇറാന്‍ വ്യക്തമാക്കിയിരുന്നു. ഹോര്‍മുസ് കടക്കണമെങ്കില്‍ ഇനി കപ്പലുകള്‍ ഇറാന് പണം നല്‍കേണ്ടി വരും. സുരക്ഷ, പരിസ്ഥിതി സംരക്ഷണം എന്നിവയ്ക്കായി ഫീസ് ഈടാക്കുമെന്ന് ഇറാന്റെ ദേശീയ സുരക്ഷ കൗണ്‍സില്‍ വ്യക്തമാക്കി.

ALSO READ: ഇന്ത്യക്ക് ആശ്വാസം; റഷ്യന്‍ എണ്ണ വാങ്ങാനുള്ള ഇളവ് നീട്ടി അമേരിക്ക