തെല്‍അവീവ്: ഇറാന്റെ തിരിച്ചടിയില്‍ ഇസ്‌റാഈല്‍ തലസ്ഥാനമായ തെല്‍ അവീവില്‍ കനത്ത നാശനഷ്ടമുണ്ടായെന്ന് റിപ്പോര്‍ട്ട്. ഇറാന്റെ മിസൈല്‍-ഡ്രോണ്‍ ആക്രമണങ്ങളില്‍ ആയിരത്തിലധികം വീടുകള്‍ നശിച്ചെന്നാണ് തെല്‍അവീവ് മേയര്‍ റോണ്‍ ഹുള്‍ദായ് വെളിപ്പെടുത്തിയത്. ഇസ്‌റാഈല്‍ ചാനലിന് നല്‍കിയ അഭിമുഖത്തിലാണ് മേയറിന്റെ വെളിപ്പെടുത്തല്‍. 

ഇറാനുമേല്‍ ഇസ്‌റാഈല്‍-അമേരിക്കന്‍ ശക്തികള്‍ ഏകപക്ഷീയമായി നടത്തിയ ആക്രമണത്തിന് പിന്നാലെയാണ് ഇറാന്‍ തിരിച്ചടിച്ചത്. ഇസ്‌റാഈലിലെ പ്രമുഖ നഗരങ്ങള്‍ കേന്ദ്രീകരിച്ച് ഇറാന്‍ നടത്തിയ ആക്രമണം ഇസ്‌റാഈലിന് വലിയ തിരിച്ചടിയായി മാറി. തെല്‍അവീവിന് പുറമെ സമീപ പ്രദേശങ്ങളായ രാമത്ഗാന്‍, ബനൈ ബ്രാക് എന്നിവിടങ്ങളിലും മിസൈല്‍ പതിച്ചു. നിരവധിയാളുകള്‍ക്ക് പരിക്കേല്‍ക്കുകയും, സൈനികര്‍ മരിക്കുകയും ചെയ്തിരുന്നു. 

ALSO READ: യുഎസുമായി ഇനി ചർച്ചയ്ക്കില്ല': ആക്രമണം നടത്തിയാൽ ശക്തമായി തിരിച്ചടിക്കും; നിലപാട് കടുപ്പിച്ച് ഇറാൻ 

യുദ്ധം ഇസ്‌റാഈലിന് കനത്ത സാമ്പത്തിക പ്രതിസന്ധി സൃഷ്ടിച്ചെന്നാണ് റിപ്പോര്‍ട്ട്. ഏകദേശം 17.5 ബില്യണ്‍ ഡോളറിന്റെ നഷ്ടമുണ്ടായെന്നാണ് കണക്ക്. വസ്തുവകകള്‍ നശിച്ചതുമായി ബന്ധപ്പെട്ട് ഇതുവരെ 30000 ത്തോളം അപേക്ഷകള്‍ ലഭിച്ചെന്നാണ് ഇസ്‌റാഈല്‍ ടാക്‌സ് അതോറിറ്റിയുടെ കണക്ക്. യുദ്ധം തകര്‍ത്ത സാമ്പത്തിക പ്രതിസന്ധി മറികടക്കാന്‍ ഇസ്‌റാഈലിന് വര്‍ഷങ്ങള്‍ വേണ്ടിവരുമെന്നും റിപ്പോര്‍ട്ടുകളുണ്ട്.

reports say heavy damage has occurred in tel aviv, the capital of israel, following iran’s retaliation.