കോഴിക്കോട്: കോഴിക്കോട്ട് വാഹനാപകടത്തില്‍ രണ്ടു പേര്‍ മരിച്ചു. തമിഴ്‌നാട് വേലൂര്‍ സ്വദേശികളായ പ്രദീപ് കുമാര്‍ (32), അമര്‍നാഥ് (35) എന്നിവരാണ് മരിച്ചത്.

കോഴിക്കോട് ഗാന്ധിറോഡ് ജങ്ഷനില്‍ വെള്ളിയാഴ്ച പുലര്‍ച്ചെയാണ് അപകടമുണ്ടായത്. ഇവര്‍ സഞ്ചരിച്ച കാറില്‍ കെ.എസ്.ആര്‍.ടി.സി ബസ് ഇടിക്കുകയായിരുന്നു. ഇരിട്ടിയിലേക്ക പോവുകയായിരുന്നു ബസ്. ബീച്ച്് ഭാഗത്ത് നിന്ന് മാവൂര്‍ റോഡിലേക്ക് കയറാന്‍ ശ്രമിക്കവേയാണ് അപകടമുണ്ടായത്. ബംഗളൂരുവില്‍ നിന്നാണ് ഇവര്‍ കോഴിക്കോട്ടെക്കെത്തിയത്. അപകടത്തില്‍ രണ്ടു പേരും സംഭവസ്ഥലത്ത് വച്ച് തന്നെ മരിച്ചു. അപകടത്തില്‍ കാര്‍ നിശേഷം തകര്‍ന്നു. മൃതദേഹം കോഴിക്കോട് മെഡിക്കല്‍ കോളേജ് മോര്‍ച്ചറിയില്‍.