മാനന്തവാടി: മാഗസിന്‍ ഓണ്‍ലൈന്‍ കൂട്ടായ്മയുടെ നേതൃത്വത്തില്‍ ഓണം ബക്രീദ് ആഘോഷം സംഘടിപ്പിച്ചു. പഴശ്ശി ഗ്രന്ഥാലയത്തില്‍ പൂക്കളമത്സരം, മെഹന്ധിഫെസ്റ്റ് എന്നിവയും സാംസ്‌കാരിക സമ്മേളനവും നടത്തി. മാഗസിന്റെ വെബ്‌സൈറ്റ് നഗരസഭാ ചെയര്‍മാന്‍ വി.ആര്‍ പ്രവീജ് ലോഗ്ഓണ്‍ ചെയ്തു. ഓണം, ബക്രീദ് സപ്ലിമെന്റ് പ്രകാശനം ഡോ. വി ജിതേഷ് നിര്‍വഹിച്ചു. കെ.എം ഷിനോജ് അധ്യക്ഷനായി. യുവ എഴുത്തുകാരന്‍ നമീം മുഹമ്മദ് മുഖ്യപ്രഭാഷണം നടത്തി. ഷബീര്‍ സുഹ്ഫി, അഡ്വ. എം.ആര്‍ മോഹനന്‍, ഹുസൈന്‍ കുഴിനിലം, സാദിര്‍ തലപ്പുഴ, ഷാജന്‍ ജോസ്, മനോജ് കുമാര്‍, ടി.കെ ഹാരിസ്, ഷാന, നാസിം ബസ്ര, ജലീല്‍, അബ്ദുള്ള സംസാരിച്ചു.