സുല്‍ത്താന്‍ ബത്തേരി: പൊലിസിന്റെ കൃത്യനിര്‍വഹണം തടസപെടുത്തി അന്വേഷണ ഉദ്യോഗസ്ഥന്റെ ചെറുവിരല്‍ പിടിച്ച് ഒടിച്ചയാളെ ബത്തേരി പൊലിസ് അറസ്റ്റു ചെയ്തു. നരിക്കുണ്ട് ചീങ്ങവല്ലം അമ്പലക്കുന്ന് രാധാകൃഷ്ണനെ(56)യാണ് ബത്തേരി പൊലിസ് അറസ്റ്റു ചെയ്തത്. ഇയാള്‍ക്കെതിരേ ലഭിച്ച മറ്റൊരു പരാതിയുടെ അടിസ്ഥാനത്തില്‍ അന്വേഷണത്തിന്നായി ബത്തേരി സ്‌റ്റേഷനിലെ എസ്.ഐ എ.ജെജോസ്, സി.പി.ഒ കൃഷ്ണമോഹനന്‍ എന്നിവര്‍ കഴിഞ്ഞ ദിവസം വൈകിട്ട് രാധാകൃഷ്ണന്റെ വീട്ടിലെത്തി. ഈ സമയം വീട്ടിലുണ്ടായിരുന്ന ഇയാള്‍ പൊലിസിനെ അസഭ്യം പറയുകയും സി.പി.ഒ കൃഷ്ണ മോഹനന്റെ വലതു കയ്യിലെ ചെറുവിരല്‍ പിടിച്ച് തിരിച്ച് ഒടുക്കുകയുമാണുണ്ടായത്. തുടര്‍ന്ന് ഇയാളെ അറസ്റ്റു ചെയ്യുകയായിരുന്നു. ഇയാളെ പിന്നീട് കോടതയില്‍ ഹാജരാക്കി.