പെരുവള്ളൂര്‍: കൂമണ്ണ-പുകയൂര്‍ റോഡില്‍ കോഴിയവശിഷ്ടം തള്ളുന്നത് പ്രദേശവാസികള്‍ക്ക് ദുരിതമാകുന്നു.
ഏനാവൂര്‍ പാടത്തും ഓട്ടപ്പിലാക്കല്‍ ഭാഗത്തുമാണ് നിരന്തരം കോഴിയവശിഷ്ടങ്ങള്‍ തള്ളുന്നത്. അസഹ്യമായ ദുര്‍ഗന്ധത്തോടൊപ്പം പകര്‍ച്ചവ്യാധി ഭീഷണിയും മാലിന്യം ഉയര്‍ത്തുന്നുണ്ട്.
ആഘോഷ ദിവസങ്ങളിലും ഒഴിവു ദിവസങ്ങളിലുമാണ് ഇവിടങ്ങളില്‍ മാലിന്യം കൂടുതലായി നിക്ഷേപിക്കുന്നത്. നിരവധി വീട്ടുകാര്‍ തിങ്ങിപ്പാര്‍ക്കുന്ന പ്രദേശത്ത് ഇരുട്ടിന്റെ മറവില്‍ മാലിന്യം തള്ളുന്നവര്‍ക്കെതിരേ ശക്തമായി പ്രതികരിക്കാനാണ് നാട്ടുകാരുടെ തീരുമാനം.