ചാവക്കാട്: ബൈക്കിടിച്ച് വഴിയാത്രകാരന്‍ മരിച്ചകേസില്‍ നിറുത്താതെ പോയ ബൈക്ക് യാത്രികനെ പൊലിസ് അറസ്റ്റു ചെയ്തു .തൊട്ടാപ്പ് ലൈറ്റ് ഹൗസിനടുത്ത് വലിയകത്ത് കുഞ്ഞിമുഹമ്മദ് (കുഞ്ഞാമുട്ടി 65 )എന്നയാള്‍ മരിച്ച കേസിലാണ് കടപ്പുറം ആറങ്ങാടി പുളിപറമ്പില്‍ തലയാട് നവാസിനെ ( 33) ചാവക്കാട് സി.ഐ കെ.ജി സുരേഷ്, എസ്.ഐ എം.കെ രമേഷ് എന്നിവരുടെ നേത്യത്വത്തില്‍ അറസ്റ്റു ചെയ്തത് .ആറങ്ങാടി പുളിഞ്ചോടില്‍ തിങ്കളാഴ്ച വൈകുനേരം ഏഴുമണിക്കാണ് അപകടം. മൂന്നു പേരുമായി വന്ന ബൈക്ക് കഞ്ഞാമുട്ടിയെ ഇടിച്ചൂ വീഴ്ത്തുകയായിരുന്നു. തലയടിച്ചു കുഞ്ഞാമുട്ടി തെറിച്ചു വീണു. അപകടം വരുത്തിയ ബൈക്ക് നിറുത്താതെ ഓടിച്ചു പോയി. നവാസാണ് ബൈക്ക് ഓടിച്ചിരുന്നത്. കൂടെ യാത്ര ചെയ്തിരുന്ന ജംഷീര്‍, സിറാജ് എന്നിവര്‍ ഒളിവില്‍ പോയി . റോഡിലൂടെ നടന്നു പോയിരുന്ന മറ്റു രണ്ടു പേയെും ബൈക്ക് ഇടിച്ചിരുന്നതായി പൊലിസ് പറഞ്ഞു . മനപൂര്‍വ്വമല്ലാത്ത നരഹത്യക്കാണ് മൂന്നൂപേര്‍ക്കുമെതിരേ കേസെടുത്തിരിക്കുന്നത്.കുഞ്ഞാമുവിനെ നാട്ടുകാര്‍ ആശുപത്രിയില്‍ എത്തിചെങ്കിലും ത്യശൂര്‍ മെഡിക്കല്‍ കോളജാശുപത്രിയിയില്‍ രാത്രിയോടെ മരിച്ചു. പ്രതികളുടെ ഡ്രൈവിങ് ലൈസന്‍സ് റദ്ദാക്കുമെന്ന് പൊലിസ് പറഞ്ഞു.