ഫുക്കറ്റ്: തായ്‌ലൻഡിലെ പ്രശസ്ത വിനോദസഞ്ചാര കേന്ദ്രമായ ഫുക്കറ്റിലെ ഒരു കഫേയിൽ ഭക്ഷണം കഴിച്ചുകൊണ്ടിരിക്കെ ഇന്ത്യൻ വിനോദ സഞ്ചാരികൾ കുഴഞ്ഞുവീണു. സംഭവത്തിൽ ഒരാൾ മരിക്കുകയും മൂന്ന് പേർ ഗുരുതരാവസ്ഥയിൽ ചികിത്സയിലാണെന്നും 'ദ സ്റ്റേറ്റ്സ്‌മാൻ' റിപ്പോർട്ട് ചെയ്തു.

കഫേയിൽ ഉച്ചഭക്ഷണം കഴിക്കുന്നതിനിടെയാണ് നാലംഗ സംഘം ഓരോരുത്തരായി ബോധരഹിതരായത്. ഉടൻ തന്നെ മെഡിക്കൽ സംഘം സ്ഥലത്തെത്തി ഇവരെ ആശുപത്രിയിൽ എത്തിച്ചെങ്കിലും ഒരാൾ മരിച്ചു. മരണകാരണം സംബന്ധിച്ച് നിലവിൽ ദുരൂഹത തുടരുകയാണ്. പോസ്റ്റ്മോർട്ടം നടപടികൾക്ക് ശേഷം മാത്രമേ കൃത്യമായ കാരണം വ്യക്തമാകൂ എന്ന് പ്രാദേശിക മാധ്യമങ്ങൾ റിപ്പോർട്ട് ചെയ്തു. മരണത്തിന് കാരണം ഭക്ഷ്യവിഷബാധയാണോ അതോ മറ്റെന്തെങ്കിലുമാണോ എന്നറിയാൻ തായ്‌ലൻഡ് പൊലിസ് അന്വേഷണം ആരംഭിച്ചിട്ടുണ്ട്. കഫേയിലെ സിസിടിവി ദൃശ്യങ്ങളും പൊലിസ് ശേഖരിച്ചിട്ടുണ്ട്.

ALSO READ: ബം​ഗാളിൽ മുനിസിപ്പൽ നിയമന അഴിമതിക്കേസിൽ മുൻ മന്ത്രി അറസ്റ്റിൽ; രാഷ്ട്രീയ പകപോക്കലെന്ന് ആരോപിച്ച് തൃണമൂൽ 

ബാങ്കോക്കിലെ ഇന്ത്യൻ എംബസി ഉടൻ വിഷയത്തിൽ ഇടപെട്ടു. അപകടത്തിൽപ്പെട്ടവരുടെ കുടുംബാംഗങ്ങളുമായി ബന്ധപ്പെടാനും അവർക്ക് ആവശ്യമായ നിയമ-വൈദ്യ സഹായങ്ങൾ ലഭ്യമാക്കാനുമുള്ള നടപടികൾ ആരംഭിച്ചതായി എംബസി വൃത്തങ്ങൾ അറിയിച്ചു.