കോട്ടയം: വി.ഡി. സതീശന് മുഖ്യമന്ത്രിയായി തെരഞ്ഞെടുത്തതില്‍ കടുത്ത വിമര്‍ശനവുമായി എന്‍.എസ്.എസ് ജനറല്‍ സെക്രട്ടറി ജി. സുകുമാരന്‍നായര്‍. മുസ്‌ലിം ലീഗ് ഭരണത്തില്‍ പിടിമുറുക്കുന്നതിന്റെ സൂചനയാണിതെന്ന് സുകുമാരന്‍ നായര്‍ വാര്‍ത്താസമ്മേളനത്തില്‍ ആരോപിച്ചു.

മുഖ്യമന്ത്രിയെ തെരഞ്ഞെടുത്തതില്‍ കീഴ് വഴക്കങ്ങളോ ജനാധിപത്യ രീതിയോ സ്വീകരിച്ചിട്ടില്ലെന്നും ജനാധിപത്യ ധ്വംസനമാണ് നടന്നിരിക്കുന്നതെന്നും അദ്ദേഹം പറഞ്ഞു.  

ലീഗ് നടത്തിയ സമ്മര്‍ദ്ദം ഒരിക്കലും ശരിയായില്ല. മന്ത്രിമാരുടെ തെരഞ്ഞെടുപ്പിലും ഇതുണ്ടാകും. ജി. സുകുമാരന്‍ നായര്‍ കൂട്ടിച്ചേര്‍ത്തു.

''മാനദണ്ഡങ്ങള്‍ നോക്കുമ്പോള്‍ എല്ലാ തരത്തിലും മുന്നില്‍ നില്‍ക്കുന്ന ആളെ വേണം തെരഞ്ഞെടുക്കാന്‍. സതീശന്‍ വേണമെന്ന് ജനങ്ങള്‍ പറയുന്നു എന്ന് പറയുന്നു. ജനങ്ങള്‍ എന്നുപറയുന്നവരെ ആര് കൗണ്ട് ചെയ്തു? വി.ഡി. സതീശന്‍ മുഖ്യമന്ത്രിയാകണമെന്ന് ആഗ്രഹിക്കുന്ന എത്ര ജനങ്ങളുണ്ട്, ആര് കണക്കെടുത്തു. അങ്ങനെയാണെങ്കില്‍ അതിന്റെ ഭൂരിപക്ഷം വേണ്ടേ? കോണ്‍ഗ്രസിന്റെ കീഴ് വഴക്കങ്ങള്‍ തെറ്റിച്ചതുകൊണ്ടാണ് എന്‍.എസ്.എസ് പറഞ്ഞത്. ഇടതുപക്ഷം കീഴ്‌വഴക്കങ്ങള്‍ തെറ്റിക്കുന്നില്ല. അവരുടേതായ രീതിയില്‍ പോകുന്നു.''- സുകുമാരന്‍ നായര്‍ പറഞ്ഞു. 

''ഭരണത്തില്‍ സാമൂഹികനീതി നടപ്പിലാക്കാനുള്ള സാധ്യത കുറവാണ്. വര്‍ഗീയത അതിന്റെ രൂക്ഷതയില്‍ എത്താനുള്ള മാര്‍ഗം തുറന്നു. അതുകൊണ്ടാണ് ഇപ്പോള്‍ ഞങ്ങള്‍ പ്രതികരിച്ചത്. മാനദണ്ഡങ്ങള്‍വെച്ച് നോക്കുമ്പോള്‍ ചെന്നിത്തലയായിരുന്നു മുന്നില്‍ നില്‍ക്കുന്നത്'' -സുകുമാരന്‍ നായര്‍ കൂട്ടിച്ചേര്‍ത്തു.

NSS General Secretary G. Sukumaran Nair has come out with a sharp critique of the Congress High Command's decision to appoint VD Satheesan as the Chief Minister. Nair alleged that this selection is a clear indication of the Muslim League tightening its grip over the UDF administration.