തിരുവനന്തപുരം: മുഖ്യമന്ത്രിയുടെയും മന്ത്രിമാരുടെയും സത്യപ്രതിജ്ഞ കഴിഞ്ഞ് രണ്ടാംദിവസമായിട്ടുംവകുപ്പ് വിഭജനത്തില്‍അന്തിമ തീരുമാനമായില്ല. ഏതാനും ചില വകുപ്പുകളുടെ കൂടി കാര്യത്തില്‍ ധാരണയാകാനുണ്ട്. ഇതാണ് വിജ്ഞാപനം പുറപ്പെടുവിക്കാന്‍ വൈകുന്നത്. ഫിഷറിസ്, വയോജന വകുപ്പുകള്‍ ആര്‍ക്ക് നല്‍കണമെന്ന കാര്യത്തിലാണ് പ്രധാനമായും തര്‍ക്കം നിലനില്‍ക്കുന്നത്. 

ഉന്നത വിദ്യാഭ്യാസം കോണ്‍ഗ്രസിന് നല്‍കണമെങ്കില്‍ ഫിഷറീസ് വേണമെന്ന് ലീഗ് ആവശ്യപ്പെടുന്നു. ഇതാണ് പ്രധാനപ്പെട്ട തര്‍ക്കം. എന്നാല്‍ സുദായംഗമായ മന്ത്രിക്കോ കടലിനെ അറിയുന്നവര്‍ക്കോ ഫിഷറീസ് നല്‍കണമെന്നാണ് ലത്തീന്‍ സഭ ആവശ്യപ്പെടുന്നത്.

അതേസമയം, മന്ത്രിസഭയില്‍ പ്രാതിനിധ്യം ലഭിക്കാതെപോയ ലത്തീന്‍ സഭയുടെ പിണക്കം മാറ്റാനായി മുഖ്യമന്ത്രി വി.ഡി സതീശന്‍ ബിഷപ്പ് ഹൗസ് സന്ദര്‍ശിച്ചിരുന്നു. ഇന്നലെ സത്യപ്രതിജ്ഞ കഴിഞ്ഞ് മണിക്കൂറുകള്‍ക്കകമാണ് മുഖ്യമന്ത്രി വി.ഡി സതീശന്‍ വെള്ളയമ്പലം ബിഷപ്പ് ഹൗസിലെത്തി ആര്‍ച്ച് ബിഷപ്പ് അടക്കമുള്ളവരെ കണ്ടത്. 

മന്ത്രിസഭയില്‍ പ്രാതിനിധ്യം ഇല്ലാത്തതില്‍ ലത്തീന്‍ രൂപത അതൃപ്തി പ്രകടിപ്പിച്ചിരുന്നു. സത്യപ്രതിജ്ഞാചടങ്ങും സഭ ബഹിഷ്‌ക്കരിച്ചു. ഇതിനു പിന്നാലെയായിരുന്നു മുഖ്യമന്ത്രിയുടെ സന്ദര്‍ശനം. തീരപ്രദേശത്തെ വിഷയങ്ങളില്‍ ശ്രദ്ധയോടെയുള്ള ഇടപെടല്‍ മുഖ്യമന്ത്രി ഉറപ്പ് നല്‍കിയിരുന്നു.

ഇതിനിടെ ദേവസ്വം വകുപ്പിന്റെ കാര്യത്തിലും തീരുമാനമായിട്ടില്ല. വൈദ്യുതി വകുപ്പ് വേണ്ടെന്ന് കെ.മുരളീധരന്‍ നിലപാടെടുത്തതോടെ അദ്ദേഹത്തിന് ആരോഗ്യം, ദേവസ്വം എന്നീ  വകുപ്പുകള്‍ നല്‍കാന്‍ ധാരണയായിരുന്നു. എന്നാല്‍ പിന്നീട് ആ തീരുമാനവും മാറി മുരളീധരന് ആരോഗ്യ വകുപ്പ് മാത്രം നല്‍കാന്‍ തീരുമാനമാവുകയായിരുന്നു. ദേവസ്വം ആര്‍ക്ക് നല്‍കണമെന്ന കാര്യത്തില്‍ ഇപ്പോഴും തീരുമാനമായിട്ടില്ല. ആദ്യ മന്ത്രിസഭാ യോഗത്തില്‍ പ്രഖ്യാപിച്ച വയോജന വകുപ്പിന്റെ ചുമതല ആര്‍ക്കെന്നതും  തീരുമാനമായിട്ടില്ല.

Despite the completion of the oath-taking process, no final decision has been made regarding the restructuring of government departments. The proposed division involving the Fisheries Department and the Senior Citizens Welfare Department is still pending, leading to continued delays. The administrative uncertainty has slowed down the implementation of key governance changes, with officials awaiting clear directions to proceed with the departmental reorganization.