ആലപ്പുഴ:നവകേരള സദസ്സിനിടെ മുഖ്യമന്ത്രിയെ കരിങ്കൊടി കാണിച്ചവരെ മര്‍ദ്ദിച്ച കേസില്‍  ഗണ്‍മാന്‍മാരായ അനിലിന്റെയും സന്ദീപിന്റെയും മുന്‍കൂര്‍ ജാമ്യാപേക്ഷ ആലപ്പുഴ കോടതി തീര്‍പ്പാക്കി. പ്രതികള്‍ക്കെതിരെ ജാമ്യം കിട്ടാത്ത കുറ്റങ്ങള്‍ ചുമത്തിയിട്ടില്ലാത്ത സാഹചര്യത്തിലാണ് ഹരജി ജഡ്ജി ഹണി എം വര്‍ഗീസ് തീര്‍പ്പാക്കിയത്. 

അതേസമയം, അന്വേഷണ റിപ്പോര്‍ട്ട് പൂര്‍ണമല്ലെന്ന് ചൂണ്ടിക്കാട്ടി എസ്.ഐ.ടിയെ കോടതി രൂക്ഷമായി വിമര്‍ശിച്ചു. നിലവിലുള്ളത് നേരത്തെ ഉള്ള ജാമ്യം ലഭിക്കുന്ന കുറ്റം മാത്രമാണ്. അതുകൊണ്ട് എങ്ങനെ മുന്‍കൂര്‍ ജാമ്യഹരജി പരിഗണിക്കുമെന്നും പ്രോസിക്യൂഷനോട് കോടതി ചോദിച്ചു.

സംഭവത്തില്‍ അന്വേഷണം പൂര്‍ത്തിയാക്കിഎസ്.ഐ.ടി റിപ്പോര്‍ട്ട് സംസ്ഥാന പൊലിസ് മേധാവിക്ക് കഴിഞ്ഞദിവസം സമര്‍പ്പിച്ചിരുന്നു. ഇതേത്തുടര്‍ന്ന് രണ്ട് ഗണ്‍മാന്മാരേയും മൂന്നു പൊലിസുകാരെയും സസ്‌പെന്‍ഡ് ചെയ്തിരുന്നു. സുരക്ഷാഉദ്യോഗസ്ഥര്‍ അന്യായമായി ആയുധം ഉപയോഗിച്ച് ആക്രമിച്ചെന്നായിരുന്നും റിപ്പോര്‍ട്ടില്‍ പറയുന്നു. പ്രതികള്‍ക്കെതിരെ ശക്തമായ വകുപ്പുതല നടപടി വേണമെന്നാണ് എസ്.ഐ.ടി ശിപാര്‍ശ.

2023 ഡിസംബറിലാണ് കേസിനാസ്പദമായ സംഭവം. പിണറായി വിജയന്‍ മുഖ്യമന്ത്രിയായിരിക്കെ നടത്തിയ നവകേരള യാത്ര ആലപ്പുഴയില്‍ എത്തിയപ്പോള്‍ യൂത്ത് കോണ്‍ഗ്രസ് പ്രവര്‍ത്തകര്‍ കരിങ്കൊടി കാണിച്ചിരുന്നു. ഈ സമയം ഗണ്‍മാന്‍മാരായ അനില്‍ കുമാറും, സന്ദീപ് ദാസും ചേര്‍ന്ന് പ്രവര്‍ത്തകരെ വളഞ്ഞിട്ട് തല്ലി. സംഭവത്തിന്റെ ദൃശ്യങ്ങള്‍ മാധ്യമങ്ങള്‍ റിപ്പോര്‍ട്ട് ചെയ്തതോടെ വലിയ പ്രതിഷേധമാണ് സര്‍ക്കാരിനെതിരെ ഉയര്‍ന്നത്.

മുഖ്യമന്ത്രിയുടെ സുരക്ഷ ഉറപ്പാക്കുക മാത്രമാണ് ചെയ്തതെന്നാണ് ഗണ്‍മാന്‍മാരുടെ വാദം. ഇതില്‍ പ്രതിഷേധവുമായി എത്തിയ കോണ്‍ഗ്രസ് കോടതിയെ സമീപിച്ചു. തുടര്‍ന്ന് കോടതി നിര്‍ദേശപ്രകാരമാണ് ഗണ്‍മാന്‍മാര്‍ക്കെതിരെ കേസെടുത്തത്.

A court has delivered its verdict on the anticipatory bail pleas filed by gunmen involved in the controversial “rescue operation” case in Alappuzha. While considering the pleas, the court reportedly criticised the Special Investigation Team (SIT) over aspects of the investigation and handling of the case. The incident had generated significant public and political attention in Kerala, with further legal proceedings expected to continue.