ന്യൂഡല്‍ഹി: കേന്ദ്ര തെരഞ്ഞെടുപ്പ് കമ്മീഷന്‍ നടപ്പാക്കിയ എസ്‌ഐആറിന്റെ (SIR) ഭരണഘടനാ സാധുത ചോദ്യം ചെയ്തുള്ള ഹര്‍ജികളില്‍ സുപ്രിംകോടതി ഇന്ന് അന്തിമ വിധി പ്രസ്താവിക്കും. ചീഫ് ജസ്റ്റിസ് സൂര്യകാന്ത് അധ്യക്ഷനായ ജസ്റ്റിസ് ജോയ്മാല്യ ബാഗ്ചി, ജസ്റ്റിസ് വിപുല്‍ എം. പഞ്ചോളി എന്നിവരടങ്ങുന്ന മൂന്നംഗ ബെഞ്ചാണ് കേസില്‍ വിധി പറയുന്നത്.

നിലവിലെ രീതിയില്‍ എസ്‌ഐആര്‍ നടപ്പാക്കാന്‍ തെരഞ്ഞെടുപ്പ് കമ്മീഷന് നിയമപരമായ അധികാരമുണ്ടോ എന്നാണ് കോടതി പ്രധാനമായും പരിശോധിക്കുന്നത്. വിവിധ രാഷ്ട്രീയ പാര്‍ട്ടികളും സംഘടനകളും നല്‍കിയ ഹര്‍ജികളില്‍ കഴിഞ്ഞ വര്‍ഷം നവംബര്‍ മുതലാണ് കോടതി വാദം കേള്‍ക്കാന്‍ തുടങ്ങിയത്. തുടര്‍ന്ന് ഈ വര്‍ഷം ജനുവരി 29ഓടെ വാദം പൂര്‍ത്തിയാക്കിയ ബെഞ്ച് കേസ് വിധി പറയാനായി മാറ്റിവയ്ക്കുകയായിരുന്നു.

2025 ജൂണ്‍  സെപ്റ്റംബര്‍ കാലയളവില്‍ ബിഹാറിലാണ് എസ്‌ഐആര്‍ പ്രക്രിയയുടെ ഒന്നാം ഘട്ടത്തിന് തുടക്കമിട്ടത്. നിലവില്‍ 16 സംസ്ഥാനങ്ങളിലും 3 കേന്ദ്രഭരണ പ്രദേശങ്ങളിലുമായി ഇതിന്റെ മൂന്നാം ഘട്ടം നടപ്പാക്കാന്‍ തെരഞ്ഞെടുപ്പ് കമ്മീഷന്‍ പ്രഖ്യാപനം നടത്തിയിട്ടുണ്ട്. എന്നാല്‍ കാലാവസ്ഥാ വ്യതിയാനങ്ങളും സെന്‍സസിന്റെ രണ്ടാം ഘട്ട പൂര്‍ത്തീകരണവും കണക്കിലെടുത്ത് ഹിമാചല്‍ പ്രദേശ്, ജമ്മു കശ്മീര്‍, ലഡാക്ക് എന്നിവിടങ്ങളിലെ സമഗ്ര വോട്ടര്‍പട്ടിക പരിഷ്‌കരണവും എസ്‌ഐആര്‍ നടപടികളും പിന്നീട് മാത്രമേ ആരംഭിക്കുകയുള്ളൂ.

The Supreme Court is set to deliver its crucial verdict today on a batch of petitions challenging the constitutional validity and the Election Commission's authority to implement the SIR process.