ഇടുക്കി: സംസ്ഥാനത്ത് വീണ്ടും കാട്ടാന ആക്രമണം. ഇടുക്കി സൂര്യനെല്ലിയില്‍ കാട്ടാന ആക്രമണത്തില്‍ സ്ത്രീ കൊല്ലപ്പെട്ടു. സിങ്ക്കണ്ടം സ്വദേശി വെള്ളസ്വാമിയുടെ മകള്‍ മാരിയാണ് (36) മരിച്ചത്. ാവിലെ എട്ട് മണിയോടെ മകനെ സ്‌കൂളില്‍ വിടാന്‍ പോകുമ്പോഴായിരുന്നു സംഭവം. ആക്രമണത്തില്‍ കുട്ടിക്കും സാരമായി പരിക്കേറ്റിട്ടുണ്ട്.

കനത്ത മഴയും കോടമഞ്ഞും ഉണ്ടായിരുന്നു. വിവരമറിഞ്ഞ ഉടന്‍ വനംവകുപ്പ് ഉദ്യോഗസ്ഥര്‍ സ്ഥലത്തെത്തി. തുടര്‍ന്ന് ആര്‍ആര്‍ടി സംഘം കുട്ടിയെ രക്ഷിക്കുകയും ആശുപത്രിയില്‍ പ്രവേശിപ്പിക്കുകയും ചെയ്തു. കുട്ടിയുടെ ആരോഗ്യനില തൃപ്തികരമാണെന്നാണ് വിവരം.

തൃശൂര്‍ വാഴാനിയിലും കാട്ടാനയിറങ്ങി. മത്സ്യത്തൊഴിലാളികളുടെ രണ്ട് കുട്ടവഞ്ചികള്‍ തകര്‍ത്തു. വാഴാനി ഡാം പ്രദേശത്താണ് ആനയിറങ്ങിയത്. 

കോഴിക്കോട് നരിപ്പറ്റയില്‍ മുള്ളന്‍ പന്നി കുറുകെ ചാടി ഓട്ടോ മറിഞ്ഞ് യുവാവ് മരിച്ചു. ഓട്ടോറിക്ഷ ഡ്രൈവര്‍ നരിപ്പറ്റ സ്വദേശി വിജേഷ് കുമാര്‍ ആണ് മരിച്ചത്.  ഭാര്യക്ക് പരുക്കേറ്റു. ഇന്നലെ രാത്രിയായിരുന്നു സംഭവം.

പാലക്കാട് ജനവാസ മേഖലയില്‍ പുലിയിറങ്ങി. പാലക്കാട് തച്ചമ്പാറയിലാണ് പുലിയിറങ്ങിയത്. സ്വകാര്യ വ്യക്തിയുടെ പശുക്കിടാവിനെ കൊന്നു.  

woman killed and child injured in wild elephant attack at suryanelli in idukki amid heavy rain and fog. elephant sightings reported in thrissur, leopard enters palakkad residential area, and youth dies in auto accident at narippatta.