കോവളം: വിഴിഞ്ഞത്തുനിന്ന് മത്സ്യ ബന്ധനത്തിനു പോയി കടലില്‍ അകപ്പെട്ട നാല് മത്സ്യത്തൊഴിലാളികളെ തീരദേശ പൊലിസ് രക്ഷപ്പെടുത്തി.  കടലില്‍ അകടപ്പെട്ട വിഴിഞ്ഞം സ്വദേശികളായ മുഹമ്മദ് ഇക്ബാല്‍ (53), ഇബ്രാഹിം (65), അബദുള്‍ മജീദ് (55), ബദര്‍ സമാല്‍ (54) എന്നിവരെയാണ് വിഴിഞ്ഞം തീരദേശ പൊലിസ് രക്ഷിച്ച് കരയ്‌ക്കെത്തിച്ചത്. ഇവര്‍ സഞ്ചരിച്ചിരുന്ന എന്‍ജിന്‍ വള്ളം യന്ത്രത്തകരാറു മൂലം കടലില്‍ കുടുങ്ങുകയായിരുന്നു. തീരത്തു നിന്നും മൂന്ന് നോട്ടിക്കല്‍ മൈല്‍ ദൂരെ  കുടുങ്ങിയ  ഇവരെ  വൈകിട്ട്  7.30ന് പട്രോളിങിനിടെ യാണ് തീരദേശ പൊലിസ് കണ്ടെത്തിയത്.