കോവളം: വിഴിഞ്ഞത്തുനിന്ന് മത്സ്യ ബന്ധനത്തിനു പോയി കടലില്‍ അകപ്പെട്ട നാല് മത്സ്യത്തൊഴിലാളികളെ തീരദേശ പൊലിസ് രക്ഷപ്പെടുത്തി.  കടലില്‍ അകടപ്പെട്ട വിഴിഞ്ഞം സ്വദേശികളായ മുഹമ്മദ് ഇക്ബാല്‍ (53), ഇബ്രാഹിം (65), അബദുള്‍ മജീദ് (55), ബദര്‍ സമാല്‍ (54) എന്നിവരെയാണ് വിഴിഞ്ഞം തീരദേശ പൊലിസ് രക്ഷിച്ച് കരയ്‌ക്കെത്തിച്ചത്. ഇവര്‍ സഞ്ചരിച്ചിരുന്ന ഔട്‌ബോഡ് എന്‍ജിന്‍ ഘടിപ്പിച്ചിരുന്ന വള്ളം തകരാറിലായതിനെ തുടര്‍ന്നാണ് ഇവര്‍ കുടുങ്ങിയത്.തീരത്തു നിന്നും മൂന്ന് നോട്ടിക്കല്‍ മൈല്‍ ദൂരെ  കുടുങ്ങിയ  ഇവരെ  വൈകിട്ട്  7.30ന് കടലില്‍ പട്രോളിങിനിടെ തീരദേശ പൊലിസ് കണ്ടെത്തുകയായിരുന്നു.