പാലക്കാട്: വടക്കഞ്ചേരി പഞ്ചായത്തിലെ ഇരുപത്തിയൊന്നാം വാര്‍ഡ് മെമ്പര്‍ സുനില്‍ ചുവട്ടുപാടം വീണ്ടും സത്യപ്രതിജ്ഞ ചെയ്തു. കോടതിവിധിയെ തുടര്‍ന്ന് സത്യപ്രതിജ്ഞ അസാധുവായതിനെ തുടര്‍ന്ന് വീണ്ടും സത്യപ്രതിജ്ഞ ചെയ്യുകയായിരുന്നു. നേരത്തെ മുന്‍ മുഖ്യമന്ത്രിയും കോണ്‍ഗ്രസ് നേതാവുമായിരുന്ന ഉമ്മന്‍ചാണ്ടിയുടെ പേരിലാണ് സുനില്‍ സത്യപ്രതിജ്ഞ ചെയ്തിരുന്നത്. 

സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ അമ്പിളി മോഹന്‍ദാസ് സത്യപ്രതിജ്ഞ ചൊല്ലിക്കൊടുത്തു. ഇത്തവണ ഈശ്വര നാമത്തിലാണ് സുനില്‍ സത്യപ്രതിജ്ഞ ചെയ്തത്. 

നേരത്തെ ബലിദാനികളുടെയടക്കം പേരില്‍ സത്യവാചകം ചൊല്ലിയ 20 ബി.ജെ.പി കൗണ്‍സിലര്‍മാരുടെ സത്യപ്രതിജ്ഞ കോടതി റദ്ദാക്കുകയും ഇവര്‍ കഴിഞ്ഞ ദിവസം വീണ്ടും സത്യപ്രതിജ്ഞ ചെയ്യുകയും ചെയ്തിരുന്നു.

സി.പി.എം പാര്‍ലമെന്ററി പാര്‍ട്ടി നേതാവും കൗണ്‍സിലറുമായ എസ് പി ദീപക്കിന്റെ ഹരജിയിലായിരുന്നു നടപടി. പല ദൈവങ്ങളുടെ പേരിലും ബലിദാനികളുടെ പേരിലും ചെയ്ത സത്യപ്രതിജ്ഞ ചെയ്തവരെ അസാധുവാക്കണം എന്നാവശ്യപ്പെട്ടായിരുന്നു ഹരജി. ദൈവനാമത്തില്‍ എന്നതിന് പകരം പല ദൈവങ്ങളുടെ പേര് എങ്ങനെ പറയാനാകുമെന്ന് കോടതി ചോദിച്ചു.

അയ്യപ്പന്‍, കാവിലമ്മ, ആറ്റുകാലമ്മ, ഭാരതാംബ, ശ്രീപത്മനാഭന്‍, ഗുരുദേവന്‍, ബലിദാനികള്‍ എന്നിവരുടെയെല്ലാം പേരിലാണ് 20 പേരും സത്യപ്രതിജ്ഞ ചൊല്ലിയത്. ഇതിനെതിരെ തെരഞ്ഞെടുപ്പ് കമ്മീഷനും സി.പി.എം പരാതി നല്‍കിയിരുന്നു. സത്യപ്രതിജ്ഞാ ലംഘനം ചൂണ്ടിക്കാട്ടി ആയിരുന്നു പരാതി. വിഷയത്തില്‍ ജില്ലാ കലക്ടര്‍ക്കും സി.പി.എം പരാതി നല്‍കിയിരുന്നു.

A ward member in Vadakkanchery has taken the oath of office once again, this time in the name of former Kerala Chief Minister Oommen Chandy. The re-administration of the oath has drawn public and political attention, with the incident sparking discussions over the circumstances and significance of invoking the late leader's name during the swearing-in process.