പാലാ: ഫിഫ ലോകകപ്പ് ഫൈനല്‍ മത്സരം അര്‍ധരാത്രിയില്‍ നടക്കുന്നതിനാല്‍ തിങ്കളാഴ്ച സംസ്ഥാനത്തെ എല്ലാ സ്‌കൂളുകള്‍ക്കും കോളജുകള്‍ക്കും അവധി പ്രഖ്യാപിക്കണമെന്ന് പാലാ നഗരസഭാ ചെയര്‍പേഴ്‌സണ്‍ ദിയ ബിനു പുളിക്കകണ്ടം ആവശ്യപ്പെട്ടു. ഇതുസംബന്ധിച്ച് പൊതുവിദ്യാഭ്യാസ മന്ത്രിക്കും ഉന്നതവിദ്യാഭ്യാസ മന്ത്രിക്കും നിവേദനം നല്‍കിയതായി അവര്‍ അറിയിച്ചു.

വിദ്യാര്‍ഥികളില്‍ കായികവിനോദങ്ങളോടുള്ള താത്പര്യം വര്‍ധിപ്പിക്കാനാണ് അവധി ആവശ്യപ്പെട്ടതെന്ന് ദിയ ബിനു വ്യക്തമാക്കി. ലോകകപ്പ് ഫൈനല്‍ കാണുന്ന വിദ്യാര്‍ഥികള്‍ക്ക് പിറ്റേദിവസം ഉറക്കക്കുറവും ക്ഷീണവും നേരിടേണ്ട സാഹചര്യം ഒഴിവാക്കാന്‍ ഇത് സഹായിക്കുമെന്ന് ദിയ ബിനു പറഞ്ഞു. സ്‌കൂള്‍ മാനേജ്‌മെന്റുകളും ഇതേ മാതൃകയില്‍ വിദ്യാര്‍ഥികള്‍ക്ക് അവധി അനുവദിക്കണമെന്നും അവര്‍ അഭ്യര്‍ഥിച്ചു.

ALSO READ: അഞ്ച് രൂപയ്ക്ക് ഇനി ട്രെയിന്‍ യാത്ര; ചരിത്രക്കുതിപ്പിലേക്ക് ഇന്ത്യയുടെ ഹൈഡ്രജന്‍ ട്രെയിന്‍ 

ലഹരി, മയക്കുമരുന്ന്, സോഷ്യല്‍ മീഡിയയുടെ ദുരുപയോഗം എന്നിവയ്‌ക്കെതിരായ ശക്തമായ പ്രതിവിധിയാണ് കായിക രംഗമെന്നും ദിയ ബിനു ചൂണ്ടിക്കാട്ടി. ശാരീരികക്ഷമത, അച്ചടക്കം, മാനസികാരോഗ്യം, കൂട്ടായ്മ, നേതൃത്വഗുണം, പ്രതിസന്ധികളെ ആത്മവിശ്വാസത്തോടെ നേരിടാനുള്ള കഴിവ് എന്നിവ വളര്‍ത്തിയെടുക്കുന്നതില്‍ കായികമത്സരങ്ങള്‍ക്ക് വലിയ പങ്കുണ്ടെന്നും അവര്‍ പറഞ്ഞു.

ഫുട്‌ബോള്‍ ലോകകപ്പ് ഫൈനല്‍ പോലുള്ള ആഗോള കായികമേളകള്‍ കുട്ടികളില്‍ കായികസംസ്‌കാരം വളര്‍ത്താനുള്ള അവസരമാണെന്നും, കുടുംബത്തോടൊപ്പം മത്സരം ആസ്വദിക്കാന്‍ അവസരം ഒരുക്കുന്നത് ആരോഗ്യകരമായ ജീവിതശൈലി പ്രോത്സാഹിപ്പിക്കുമെന്നും അവര്‍ അഭിപ്രായപ്പെട്ടു.

എറണാകുളത്തെ മരട് ഗ്രിഗോറിയന്‍ പബ്ലിക് സ്‌കൂള്‍ ലോകകപ്പ് ഫൈനലിന്റെ പശ്ചാത്തലത്തില്‍ തിങ്കളാഴ്ച അവധി പ്രഖ്യാപിച്ച നടപടി മാതൃകാപരമാണെന്നും, സമാനമായ തീരുമാനം സംസ്ഥാനത്താകെ നടപ്പാക്കുന്നത് വിദ്യാര്‍ഥികളില്‍ കായികസംസ്‌കാരവും ആരോഗ്യകരമായ സാമൂഹിക ഇടപെടലുകളും പ്രോത്സാഹിപ്പിക്കുമെന്നും ദിയ ബിനു പ്രസ്താവനയില്‍ പറഞ്ഞു.

Pala Municipal Chairperson Diya Binu Pulikakandam has requested that all schools and colleges in the state be declared a holiday on Monday, as the FIFA World Cup final match will be held at midnight. She stated that a petition in this regard has been submitted to the General Education Minister and the Higher Education Minister.