ന്യൂഡല്‍ഹി; നീറ്റ് പരീക്ഷ ക്രമക്കടില്‍ പ്രതിഷേധം ശക്തമായി തുടരുന്നതിനിടെ ജന്തര്‍മന്തറില്‍ പ്രതിഷേധിക്കുന്ന വിദ്യാര്‍ഥികളുടെ ആവശ്യങ്ങള്‍ക്ക് മുന്നില്‍ വഴങ്ങാന്‍ കേന്ദ്രസര്‍ക്കാര്‍. വിദ്യാര്‍ഥി പ്രതിനിധികളെ ചര്‍ച്ചയ്ക്ക് സമീപിച്ചെന്നും എപ്പോള്‍ വേണമെങ്കിലും എത്ര സമയവും തയ്യാറാണെന്ന് കേന്ദ്രമന്ത്രി ജിതേന്ദ്ര സിങ് അറിയിച്ചു. 

'നഡ്ഡയുടെ ഓഫീസിലോ വസതിയിലോ ചര്‍ച്ചകള്‍ നടത്താം. വിദ്യാര്‍ത്ഥികളുടെ ക്ഷേമത്തിനായി സര്‍ക്കാര്‍ സ്വീകരിക്കുന്ന നിരന്തരമായ നടപടികളുടെ ഭാഗമാണിത്. വിനയപൂര്‍വ്വം, നിങ്ങളെല്ലാവരെയും വന്ന് ചര്‍ച്ചകളില്‍ പങ്കെടുക്കാന്‍ ഞാന്‍ അഭ്യര്‍ത്ഥിക്കുന്നു', അദ്ദേഹം കൂട്ടിച്ചേര്‍ത്തു.

അതേസമയം നിഷ്പക്ഷവേദിയില്‍ ചര്‍ച്ച വേണമെന്ന ആവശ്യത്തില്‍ ഉറച്ചുവനില്‍ക്കുകയാണ് സിജെപി. അതിനിടെ, ഡല്‍ഹിയില്‍ നിയന്ത്രണങ്ങള്‍ വീണ്ടും കടുപ്പിക്കുകയാണ്. കൊണാട്ട് പ്ലെയിസിലെ കെട്ടിടങ്ങള്‍ വൈകിട്ട് 6.30 ന് അടക്കണമെന്ന് പൊലീസ് നിര്‍ദ്ദേശം നല്‍കി. എന്‍ഡിഎംസി ചെയര്‍മാന്റേതാണ് നിര്‍ദ്ദേശം. സിജെപി സമരം കണക്കിലെടുത്താണ് നിയന്ത്രണം.