നിലമ്പൂര്‍: സ്‌കൂള്‍ വിദ്യാര്‍ഥികളായ ആദിവാസി കുട്ടികള്‍ മദ്യം കഴിച്ച് അബോധാവസ്ഥയിലായി. സംഭവുമായി ബന്ധപ്പെട്ട് അഞ്ചു പേരെ പൊലിസ് കസ്റ്റഡിയിലെടുത്തു.
നല്ലംതണ്ണി വളവിലെ കോളനിയിലെ മൂന്ന് വിദ്യാര്‍ഥികള്‍ ഉള്‍പ്പെടെ അഞ്ചുപേരാണ് അമിതമായി ലഹരി തലക്ക് പിടിച്ച് അബോധാവസ്ഥയിലായത്.
കുട്ടികള്‍ കളി കഴിഞ്ഞ് മടങ്ങുന്നതിനിടെ കുറ്റികാട്ടില്‍ കണ്ട കുപ്പിയിലെ മദ്യം ഇവര്‍ കഴിക്കുകയായിരുന്നു. നിലമ്പൂര്‍ ബീവറേജസില്‍ നിന്നും പ്രദേശവാസികളായ മദ്യപ സംഘം കൊണ്ടുവന്ന് സൂക്ഷിച്ച മദ്യകുപ്പിയാണ് വിദ്യാര്‍ഥികള്‍ കണ്ടെത്തി കുടിച്ചത്. പ്രദേശത്തെ മദ്യ വില്‍പനക്കാരായ അഞ്ചുപേരാണ് കസ്റ്റഡിയിലുള്ളത്. മഹിള സമഖ്യ പ്രവര്‍ത്തകരാണ് വിവരം പൊലിസില്‍ അറിയിച്ചത്.