തേഞ്ഞിപ്പലം: ലക്ഷങ്ങള്‍ വിലപിടിപ്പുള്ള റോളറുകള്‍ തുരുമ്പെടുത്തു നശിക്കുന്നു. ചേളാരിയിലെ പൊതുമരാമത്ത് ഓഫിസിലാണു രണ്ടു റോഡ് റോളറുകള്‍ വര്‍ഷങ്ങളായി ഉപയോഗ ശൂനമായി കിടക്കുന്നത്. പൊതുമരാമത്തു വകുപ്പിലെ ടാറിങ് ഉള്‍പ്പെടെയുള്ള ജോലികള്‍ പൂര്‍ണമായും കരാറുകാര്‍ ഏറ്റെടുക്കാന്‍ തുടങ്ങിയതോടെയാണ് റോളറുകളുടെ പ്രവര്‍ത്തനം നിലച്ചത്.
അധികൃതര്‍ തിരിഞ്ഞു നോക്കാതെ വര്‍ഷങ്ങളോളം ഷെഡില്‍ കിടന്നതിനാല്‍ പ്രവൃത്തികള്‍ക്ക് ഉപയോഗിക്കാന്‍ പറ്റാത്ത വിധം നശിച്ചുകൊണ്ടിരിക്കുകയാണിവ. റോളറുകള്‍ ഇരുമ്പ് വിലയ്ക്ക് ലേലം ചെയ്ത് വില്‍പ്പന നടത്തിയാല്‍ ഒരുവലിയ സംഖ്യ ഖജനാവിലേക്കെത്തും.ലേലം ചെയ്തു വില്‍പ്പന നടത്താനുള്ള നടപടികള്‍ നടന്നു വരുന്നുവെന്നാണു സെക്ഷന്‍ ഓഫീസ് അധികൃതരില്‍ നിന്നും ലഭിക്കുന്ന വിവരം.