കൊച്ചി: പുത്തന്‍ കുരിശില്‍ മൂന്നു മാസം പ്രായമുളള നായക്കുട്ടിയുടെ മുഖത്ത് കെമിക്കല്‍ ലായനി ഒഴിച്ചതായി പരാതി. നായക്കുട്ടിയുടെ കാഴ്ച നഷ്ടപ്പെടുകയും ചെയ്തു. ആന്തരീകാവയവങ്ങള്‍ക്ക് പൊള്ളലേറ്റിട്ടുണ്ട്. പുത്തന്‍ കുരിശ് സ്വദേശി നയനയുടെ വളര്‍ത്തുനായയാണ് ഇത്. നയനയും വീട്ടുകാരും പുറത്തുപോയ സമയത്തായിരുന്നു കൂട്ടിലുണ്ടായിരുന്ന നായയുടെ ദേഹത്തേക്കു രാസലായനി ഒഴിച്ചത്.

അവശനായ നായക്കുട്ടിയെയാണ് തിരിച്ചെത്തിയ വീട്ടുകാര്‍ കാണുന്നത്. തുടര്‍ന്ന് ആശുപത്രിയിലെത്തിച്ചപ്പോഴാണ് രാസലായനിയാണ് ദേഹത്തേക്ക് ഒഴിച്ചതെന്ന് മനസിലായത്. പുത്തന്‍കുരിശ് പൊലിസില്‍ പരാതിനല്‍കിയിട്ടുണ്ട് നയന. സംഭവത്തില്‍ അന്വേഷണം നടക്കുകയാണ്.