തിരുവള്ളൂര്‍: തമിഴ്‌നാട് തിരുവള്ളൂരില്‍ ചരക്ക് ട്രെയിനില്‍ വന്‍ തീപിടിത്തം. ഡീസല്‍ കയറ്റിവന്ന ബോഗികളിലാണ് തീപിടിച്ചത്. ഈ റെയില്‍ പാതയില്‍ ട്രെയിന്‍ഗതാഗതം പൂര്‍ണമായും സ്തംഭിച്ചു. ഇന്ന് പുലര്‍ച്ചെ 5:30 ഓടെയാണ് അപകടമുണ്ടായത്.  ഡീസല്‍ കൊണ്ടുപോകുന്ന ഗുഡ്സ് ട്രെയിനിന്റെ നാല് ബോഗികളില്‍ തീപടര്‍ന്നു. പ്രദേശത്ത് വലിയ തീയും പുകയും ഉയര്‍ന്നതായി ദൃശ്യങ്ങളില്‍ വ്യക്തമാവുന്നു.

അഗ്‌നിശമന സേനയും രക്ഷാപ്രവര്‍ത്തകരും സ്ഥലത്തെത്തി. ഏറെ നേരത്തെ ശ്രമത്തിനൊടുവില്‍ തീ നിയന്ത്രണ വിധേയമാക്കിയതായി അധികൃതര്‍ അറിയിച്ചു.  ഡീസലിന് തീപിടിച്ചതിനാല്‍ രക്ഷാപ്രവര്‍ത്തനം ദുഷ്‌കരമായിരുന്നുവെന്ന് അഗ്‌നിശമന സേനാ മേധാവി സീമ അഗര്‍വാള്‍ എന്‍.ഡി.ടി.വിയോട് പറഞ്ഞു. ആളപായമോ മറ്റു നാശനഷ്ടങ്ങളോ റിപ്പോര്‍ട്ട് ചെയ്തിട്ടില്ല. 

Tiruvallur, Tamil Nadu: Rescue efforts are underway after a goods train derailed and caught fire near Tiruvallur railway station pic.twitter.com/UEyt29dmDM

— IANS (@ians_india) July 13, 2025

മണാലിയില്‍ നിന്ന് തിരുപ്പതി മേഖലയിലേക്ക് പോവുകയായിരുന്നു ട്രെയിന്‍. തിരുവള്ളൂര്‍ റെയില്‍വേ സ്റ്റേഷന് സമീപത്ത് വെച്ചാണ് തീപിടിച്ചത്. അപകടത്തെത്തുടര്‍ന്ന് സമീപ പ്രദേശങ്ങളില്‍ നിന്ന് ആളുകളെ ഒഴിപ്പിച്ചു.

ചെന്നൈയിലേക്കും തിരിച്ചുമുള്ള ട്രെയിന്‍ സര്‍വിസുകള്‍ തടസ്സപ്പെട്ടിരിക്കുകയാണ്. ചെന്നൈയില്‍ നിന്ന് പുറപ്പെടുന്ന എട്ട് ട്രെയിനുകള്‍ റദ്ദാക്കിയതായും അഞ്ച് ട്രെയിനുകള്‍ വഴിതിരിച്ചുവിട്ടതായും ദക്ഷിണ റെയില്‍വേ അറിയിച്ചു. തീപിടിത്തത്തിന്റെ കാരണം അന്വേഷിച്ചു വരികയാണെന്ന് റെയില്‍വെ അധികൃതര്‍ പറഞ്ഞു.

Thiruvallur train fire, Tamil Nadu goods train fire, diesel tanker fire train, Chennai train disruption, Indian Railways fire, railway accident Tamil Nadu, South Railway news, Thiruvallur railway station fire, Chennai train cancellations, diesel train fire July 2025