കല്‍പ്പറ്റ: വ്യാപാരിളുടെ വിവിധങ്ങളായ വായ്പകള്‍ക്ക് പലിശ ഒഴിവാക്കി മൊറട്ടോറിയം പ്രഖ്യാപിക്കണമെന്ന് കേരള സംസ്ഥാന വ്യാപാരി വ്യവസായി സമിതി ജില്ലാ സമ്മേളനം പ്രമേയത്തിലൂടെ ആവശ്യപ്പെട്ടു. കേരളത്തിലെ മറ്റുജില്ലകളില്‍ നിന്നും വ്യത്യസ്ഥമായി നൂറ് ശതമാനം കാര്‍ഷികമേഖലയെ മാത്രമാശ്രയിച്ച് ജീവിക്കുന്നവരാണ് വയനാടന്‍ ജനത. അതിനാല്‍ കാര്‍ഷികമേഖലയുടെ തകര്‍ചയും കാര്‍ഷിക ഉല്‍പന്നങ്ങളുടെ വിലതകര്‍ചയും വയനാട്ടിലെ ജനങ്ങളുടെ വാങ്ങല്‍ ശേഷിയില്‍ വലിയകുറവ് വരുത്തിയിട്ടുണ്ട്. ഇതോടൊപ്പം കേന്ദ്ര സംസ്ഥാന സര്‍ക്കാരുകളുടെ വ്യാപാരവിരുദ്ധനയങ്ങളും ഈ മേഖലയെ കൂടുതല്‍ പ്രതിസന്ധിയിലാക്കിയിട്ടുണ്ട്. സംസ്ഥാന സെക്രട്ടറി ഇ.എസ് ബിജു ഉദ്ഘാടനം ചെയ്തു. ജില്ലാ പ്രസിഡന്റ് എ.ജെ കുരിയന്‍ അധ്യക്ഷനായി. സംസ്ഥാന പ്രസിഡന്റ് ബിന്നി ഇമ്മട്ടി മുഖ്യ പ്രഭാക്ഷണം നടത്തി. എം വേലായുധന്‍, പി.എ മുഹമ്മദ്, സമിതി ജില്ലാ രക്ഷാധികാരി പി.എസ് ജനാര്‍ദനന്‍ സംസാരിച്ചു. ജില്ലാ സെക്രട്ടറി വി.കെ തുളസി ദാസ് പ്രവര്‍ത്തന റിപ്പോര്‍ട്ടും വരവ് ചിലവ് കണക്കും അവതരിപ്പിച്ചു. സംസ്ഥാന ജോ.സെക്രട്ടറി എസ് ദിനേഷ് സംഘടന റിപ്പോര്‍ട്ടും അവതരിപ്പിച്ചു. സ്വാഗതസംഘം കണ്‍വീനര്‍ പി പ്രസന്നകുമാര്‍ സ്വാഗതവും സി.പി സുനില്‍ റാം നന്ദിയും പറഞ്ഞു. ഭാരവാഹികളായി എ.ജെ കുരിയന്‍ (പ്രസി), സി.പി സുനില്‍ റാം, കെ.എന്‍ മധുസൂദനന്‍, സി.ജി ജിനേഷ്, കോമളം വാസു (വൈ.പ്രസി), വി.കെ തുളസി ദാസ് (സെക്ര), എ.വി ജയന്‍, എ.ആര്‍ വിജയകുമാര്‍, സുരേന്ദ്രന്‍, പി.ജെ ജോസ് (ജോ.സെക്ര), പി പ്രസന്ന കുമാര്‍ (ട്രഷ) എന്നിവരെയും തിരഞ്ഞെടുത്തു.