മേപ്പാടി: സാന്ത്വന പരിചരണ രംഗത്ത് പ്രവര്‍ത്തിക്കുന്ന ഇനിഷ്യേറ്റീവ് പാലിയേറ്റീവ് കെയര്‍ ജില്ലാ വളണ്ടിയര്‍ സംഗമം അഭയം-2016 ന് മേപ്പാടിയില്‍ തുടക്കമായി.
സെന്റ് ജോസഫ് സ്‌കൂള്‍ ഓഡിറ്റോറിയത്തില്‍ സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്തു.
പരിമിതമായ ചികിത്സാ സൗകര്യങ്ങള്‍ മാത്രമുള്ള വയനാട്ടില്‍ പാലിയേറ്റീവ് വളണ്ടിയര്‍മാരുടെ സേവനം മഹത്തായതാണന്ന് അദ്ദേഹം പറഞ്ഞു.
മേപ്പാടി പഞ്ചായത്ത് പ്രസിഡന്റ് കെ.കെ സഹദ് അധ്യക്ഷനായി. ഡോ. ഇ.പി മോഹനന്‍, ഡോ. ഷബീര്‍, ഡോ. ജാസിം എന്നിവര്‍ ക്ലാസെടുത്തു.
ജില്ലാ പഞ്ചായത്ത് പ്രസിഡന്റ് ടി ഉഷാ കുമാരി, വൈസ് പ്രസിഡന്റ് പി.കെ അസ്മത്ത്, മുപ്പൈനാട് പഞ്ചായത്ത് പ്രസിഡന്റ് ഷഹര്‍ബാന്‍ സൈതലവി, ഗഫൂര്‍ താനേരി, സി.എച്ച് സുബൈര്‍, തോമസ് മാസ്റ്റര്‍, ഫ. ജോസഫ് സംസാരിച്ചു.