തിരുവനന്തപുരം: കേരള പൊലിസ് അസോസിയേഷന്‍ തിരുവനന്തപുരം സിറ്റി ജില്ലാ കമ്മിറ്റിയുടെ ആഭിമുഖ്യത്തില്‍ നിര്‍ധന കുടുംബത്തിന് വീട് നിര്‍മിച്ചു നല്‍കി.
ആറയൂര്‍ ചെങ്കല്‍ ബിന്ദുസുരേഷ്‌കുമാറിനും കുടുംബത്തിനുമാണ്  വീട് നല്‍കിയത്. ഇവരുടെ ഭര്‍ത്താവ് സുരേഷ് വൃക്കരോഗം ബാധിച്ച് കിടപ്പിലാണ്.  താക്കോല്‍ദാനം നെയ്യാറ്റിന്‍കര എം.എല്‍.എ ആന്‍സലന്‍ നിര്‍വഹിച്ചു. അസോസിയേഷന്‍ സംസ്ഥാന ജനറല്‍ സെക്രട്ടറി ജി.ആര്‍.അജിത് മുഖ്യാതിഥിയായി. ജില്ലാ പ്രസിഡന്റ് ആര്‍.ജി.ഹരിലാല്‍, സെക്രട്ടറി ആന്റണി, വൈസ് പ്രസിഡന്റ് എം.എ ഉറൂബ്, ജില്ലാ ട്രഷറര്‍ സനല്‍കുമാര്‍, ജി.ആര്‍.രഞ്ജിത്ത്, പ്രതാപചന്ദ്രന്‍ തുടങ്ങിയവര്‍ പങ്കെടുത്തു.