കിറ്റ്‌സില്‍ അക്കാദമിക് അസിസ്റ്റന്റ്, റിസര്‍ച്ച് അസോസിയേറ്റ് എന്നീ താല്‍ക്കാലിക തസ്തികകളിലേക്ക് അപേക്ഷ ക്ഷണിച്ചു. കരാര്‍ നിയമനമാണ്. 60 മാര്‍ക്കില്‍ കുറയാതെ അംഗീകൃത സര്‍വകലാശാലയില്‍നിന്നു ടൂറിസത്തില്‍ ബിരുദാനന്തര ബിരുദവും അയാട്ട കോഴ്‌സ് സര്‍ട്ടിഫിക്കറ്റുമാണ് അക്കാദമിക് അസിസ്റ്റന്റിന്റെ യോഗ്യത. റിസര്‍ച്ച് അസോസിയേറ്റിന് ടൂറിസത്തില്‍ ബിരുദാനന്തര ബിരുദമാണ് യോഗ്യത.
എം.ഫില്‍, പി.എച്ച്.ഡി എന്നിവ അഭിലഷണീയ യോഗ്യതകളാണ്. അപേക്ഷിക്കുന്നവര്‍ക്കു 2016 ജനുവരി ഒന്നിന് 36 വയസ് കവിയരുത്. സര്‍ട്ടിഫിക്കറ്റിന്റെ പകര്‍പ്പ് സഹിതം വിശദമായ ബയോഡാറ്റ സഹിതമുള്ള അപേക്ഷ ഡയറക്ടര്‍, കിറ്റ്‌സ്, റെസിഡന്‍സി, തൈക്കാട്, തിരുവനന്തപുരം 14 എന്ന വിലാസത്തില്‍ അയയ്ക്കണം.
അപേക്ഷിക്കാവുന്ന അവസാന തിയതി: സെപ്റ്റംബര്‍ 24.