ആലുവ : നിലവിലുള്ള സ്റ്റാന്റില്‍ അംഗീകാരമില്ലാത്ത ഓട്ടോറിക്ഷകള്‍ അനധികൃതമായി സ്റ്റാന്റുകളുടെ ഇടയ്ക്ക് നിന്ന് ഓട്ടംപിടിയ്ക്കുന്നത് തടയുന്നതിന് അടിയന്തിര നടപടി സ്വീകരിക്കണമെന്നും, നിലവില്‍ സര്‍വ്വീസ് നടത്തുന്നവര്‍ക്ക് എത്രയുംവേഗം ബോണറ്റ് നമ്പര്‍ നല്‍കണമെന്നും എറണാകുളം ജില്ലാ ഓട്ടോറിക്ഷ തൊഴിലാളി യൂനിയന്‍ എ.ഐ.റ്റി.യു.സി. ആലുവ മണ്ഡലം സമ്മേളനം ആവശ്യപ്പെട്ടു.
ആലുവ അച്യുതമേനോന്‍ സെന്ററില്‍ നടന്ന സമ്മേളനത്തില്‍ സി.വി. അനി അദ്ധ്യക്ഷത വഹിച്ചു.  
ഭാരവാഹികളായി കെ.ജെ. ഡൊമനിക് (പ്രസിഡന്റ്), അന്‍സാര്‍ അമ്പാട്ട് (വര്‍ക്കിങ്ങ് പ്രസിഡന്റ്), എ.റ്റി. ജെന്നി, വിനോദ് എടത്തല (വൈസ് പ്രസിഡന്റ്), സി.വി. അനി (സെക്രട്ടറി), സീതാറാം, രാധാകൃഷ്ണന്‍ (ജോയിന്റ് സെക്രട്ടറിമാര്‍) എന്നിവരെ തെരെഞ്ഞെടുത്തു.