കോഴിക്കോട്: സമസ്ത കേരള ജംഇയ്യത്തുല്‍ മുഅല്ലിമീന്‍ ജില്ലാ കമ്മിറ്റിയുടെ ആഭിമുഖ്യത്തില്‍ 27ന് കുറ്റ്യാടി അടുക്കത്ത് മുസ്‌ലിം യതീംഖാന കാംപസില്‍ (ചെറുശ്ശേരി ഉസ്താദ് നഗര്‍) നടക്കുന്ന ജില്ലാ സ്വദര്‍ മുഅല്ലിം സംഗമത്തിന് എസ്.കെ.ജെ.എം ജില്ലാ ഭാരവാഹികളുടെ യോഗം അന്തിമരൂപം നല്‍കി. രാവിലെ 9.30ന് ടി.വി.സി അബ്ദുസ്സമദ് ഫൈസി പതാക ഉയര്‍ത്തുന്നതോടെ ആരംഭിക്കുന്ന പരിപാടിയില്‍ എസ്.എം.എഫ് ജില്ലാ പ്രസിഡന്റ് സി.എസ്.കെ തങ്ങള്‍ കുറ്റ്യാടി പ്രാര്‍ഥന നടത്തും. ജില്ലാ പ്രസിഡന്റ് കെ.കെ ഇബ്‌റാഹിം മുസ്‌ലിയാര്‍ അധ്യക്ഷനാകും. സമസ്ത ട്രഷറര്‍ സയ്യിദ് ജിഫ്രി മുത്തുക്കോയ തങ്ങള്‍ ഉദ്ഘാടനം ചെയ്യും.
സമസ്ത പൊതുപരീക്ഷയില്‍ ജില്ലാ റാങ്ക് ജേതാക്കള്‍ക്ക് പാറക്കല്‍ അബ്ദുല്ല എം.എല്‍.എ, സമസ്ത കേന്ദ്ര മുശാവറ അംഗം ഉമര്‍ ഫൈസി മുക്കം അവാര്‍ഡ് നല്‍കും. ആസിഫ് ദാരിമി പുളിക്കല്‍, പിണങ്ങോട് അബൂബക്കര്‍ വിഷായാവതരണം നടത്തും. സി.എച്ച് മഹ്മൂദ് സഅദി, കെ.പി കോയ, ഒ.പി.എം അശ്‌റഫ്, സലാം ഫൈസി മുക്കം സംസാരിക്കും. മുഅല്ലിം സെന്ററില്‍ ചേര്‍ന്ന യോഗത്തില്‍ കെ.കെ ഇബ്‌റാഹിം മുസ്‌ലിയാര്‍ അധ്യക്ഷനായി. സൈനുല്‍ ആബിദീന്‍ തങ്ങള്‍, സി. അബ്ദുല്‍ ഹമീദ് ദാരിമി, പി. ബാവ ഹാജി, കെ.കെ മുസ്തഫ അല്‍ ഹസനി, പി. ഹസൈനാര്‍ ഫൈസി, ഫൈസല്‍ ഫൈസി മടവൂര്‍ സംസാരിച്ചു.