ഇരിക്കൂര്‍: ഇരിക്കൂര്‍ പോസ്റ്റ് ഓഫിസിനു സമീപത്തെ മുഹ്‌യദീന്‍ ജുമാമസ്ജിദില്‍ പട്ടാപ്പകല്‍ മോഷണം നടന്നു. പള്ളി ഇമാമും മദ്‌റസ അധ്യാപകനുമായ ശിഹാബ് ഓഫിസ് പൂട്ടി മദ്‌റസയില്‍ പോയ സമയത്താണ് മോഷണം നടന്നത്. ഇമാമിന്റെ മുറിയുടെ പൂട്ടുതകര്‍ത്ത് ഉള്ളില്‍ കടന്ന് ബാഗില്‍ സൂക്ഷിച്ച 1500രൂപയും പള്ളിയില്‍ ആളില്ലാതെ ലഭിച്ച അറുപതു വാച്ചുകളും മോഷ്ടിച്ചു. മോഷണ ശേഷം മുറിയുടെ പൂട്ടുതുറക്കാന്‍ ഉപയോഗിച്ച സ്‌ക്രൂ ഡ്രൈവറും സമീപത്തെ ഹാളില്‍ നിന്നു കണ്ടെണ്ടത്തി. കഴിഞ്ഞ ദിവസം രാവിലെ ഏഴുമണിക്കും ഒന്‍പതിനുമിടയിലാണ് മോഷണം നടന്നതെന്ന് ഇമാം ശിഹാബ് പറഞ്ഞു. ഈ സമയത്ത് പള്ളിയിലും പരിസരത്തും ആരുമുണ്ടണ്ടായിരുന്നില്ല. ഇരിക്കൂര്‍ പൊലിസ് കേസെടുത്തു അന്വേഷണമാരംഭിച്ചു.