ആലപ്പുഴ: സ്റ്റേറ്റ് ഗസറ്റഡ് ഓഫിസേഴ്‌സ് യൂനിയന്‍ (എസ്.ജി.ഒ.യു) സംസ്ഥാന സമ്മേളനം ഇന്നു ആലപ്പുഴയില്‍ നടക്കും. രാവിലെ 10ന് ആലപ്പുഴ സി.എച്ച് മഹലില്‍ നടക്കുന്ന ഉദ്ഘാടന സെഷന്‍ മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ് ഉദ്ഘാടനം ചെയ്യും. എസ്.ജി.ഒ.യു സംസ്ഥാന പ്രസിഡന്റ് എച്ച്.എ വഹാബ് അധ്യക്ഷനാകും. മുസ്‌ലിം ലീഗ് ജില്ലാ പ്രസിഡന്റ് ഹാജി എം. ഇസ്മയില്‍ കുഞ്ഞ് മുസ്‌ലിയാര്‍ മുഖ്യപ്രഭാഷണം നടത്തും.
സിവില്‍ സര്‍വിസ് സേവനം സമര്‍പ്പണം എന്ന വിഷയത്തില്‍ ഉച്ചക്കു 12ന് നടക്കുന്ന സെമിനാര്‍ ടി.എ അഹമ്മദ് കബീര്‍ എം.എല്‍.എ ഉദ്ഘാടനം ചെയ്യും. ഡോ. വിഴിഞ്ഞം റഹ്മാന്‍ അധ്യക്ഷനാകും. മുന്‍ എം.എല്‍.എ അബ്ദുല്‍ റഹ്മാന്‍ രണ്ടത്താണി മുഖ്യപ്രഭാഷണം നടത്തും. ഡോ. ഹാറൂണ്‍ അബ്ദുല്‍ റഷീദ് മോഡറേറ്റാകും.
തുടര്‍ന്നു നടക്കുന്ന അനുസ്മരണ സമ്മേളനവും യാത്രയയപ്പും മുസ്‌ലിം ലീഗ് ജില്ലാ ജനറല്‍ സെക്രട്ടറി എ.എം നസീര്‍ ഉദ്ഘാടനം ചെയ്യും. ഇ.പി മുഹമ്മദ് മുനീര്‍ അധ്യക്ഷനാകും. വൈകിട്ട് നാലിന് നടക്കുന്ന ജനറല്‍ കൗണ്‍സിലില്‍ പുതിയ കമ്മിറ്റിക്കു രൂപം നല്‍കും. ഇ. അബ്ദുല്‍ മജീദ് തെരഞ്ഞെടുപ്പിനു നേതൃത്വം നല്‍കും.
വിവിധ സെഷനുകളില്‍ കര്‍ഷക സംഘം സംസ്ഥാന വൈസ് പ്രസിഡന്റ് സി. ശ്യാംസുന്ദര്‍, എസ്.ജി.ഒ.യു സംസ്ഥാന ജനറല്‍ സെക്രട്ടറി കെ.പി ഫൈസല്‍, ട്രഷറര്‍ ഡോ. സെയ്ദ് അബൂബക്കര്‍ സിദ്ദീഖ് തുടങ്ങിയവര്‍ സംസാരിക്കും.