കാസര്‍കോട്: ജര്‍മ്മനിയില്‍ നടക്കുന്ന കരാട്ടേ ക്യാംപിലേക്ക് കാസര്‍കോട് സ്വദേശിയും. ജര്‍മ്മന്‍ കരാട്ടെ ഫെഡറേഷന്‍ സംഘടിപ്പിക്കുന്ന ക്യാംപിലേക്കാണ് കുമ്പള കട്ടത്തടുക്ക എ.കെ.ജി നഗര്‍ സ്വദേശി മുഹമ്മദ് അഷ്‌റഫിനു ക്ഷണം ലഭിച്ചിരിക്കുന്നത്.
കുമ്പള പ്രൊഫഷണല്‍ കരാട്ടെ അക്കാദമിയിലെ അധ്യാപകനാണ് മുഹമ്മദ് അഷ്‌റഫ്. നാലു തവണ ദേശീയ ചാംപ്യനായ മുഹമ്മദ് അഷ്‌റഫ് കഴിഞ്ഞ മാര്‍ച്ചില്‍ പോളണ്ടില്‍ നടന്ന ലോക ചാംപ്യന്‍ഷിപ്പില്‍ മത്സരിച്ചിട്ടുണ്ട്. കരാട്ടെ ഒളിംപ്കിസില്‍ അംഗീകരിച്ച ശേഷം ജര്‍മ്മന്‍ കരാട്ടെ ഫെഡറേഷന്‍ സംഘടിപ്പിക്കുന്ന ആദ്യത്തെ ക്യാംപാണിത്.