തലശ്ശേരി: സി.ഐ.ടി.യു ജില്ലാ സമ്മേളനത്തിന് തലശ്ശേരിയില്‍ തുടക്കമായി. ഇന്നലെ വൈകുന്നേരം പുതിയ ബസ് സ്റ്റാന്‍ഡിലെ പൊതുസമ്മേളന നഗരിയായ ടി വിജയന്‍ നഗറില്‍ എ.എന്‍ ഷംസീര്‍ എം.എല്‍.എ പതാക ഉയര്‍ത്തി. പയ്യാമ്പലത്തു നിന്ന് ആരംഭിച്ച പതാക ജാഥയും അണ്ടലൂരില്‍ നിന്ന് ആരംഭിച്ച കൊടിമര ജാഥയും വിവിധ കേന്ദ്രങ്ങളിലെ സ്വീകരണത്തിനു ശേഷം പഴയ ബസ് സ്റ്റാന്‍ഡില്‍ സംഗമിച്ച് പുതിയ ബസ് സ്റ്റാന്‍ഡ് പരിസരത്ത് നീങ്ങുകയായിരുന്നു. ഇന്നും നാളെയും പ്രതിനിധി സമ്മേളനം. നാളെ വൈകുന്നേരം നാലിന് നഗരത്തില്‍ പ്രകടനവും പൊതുസമ്മേളനവും നടക്കും. എളമരം കരീം ഉദ്ഘാടനം ചെയ്യും.