ചെറുതോണി: പുരയിടത്തില്‍ വിത്ത് ഉല്‍പാദനത്തിനായി നട്ട് വളര്‍ത്തിയ കഞ്ചാവ് ചെടികള്‍ ഇടുക്കി ആന്റി നാര്‍ക്കോട്ടിക് സ്‌പെഷ്യല്‍ സ്‌ക്വാഡ് പിടികൂടി നശിപ്പിച്ചു.
ഇടുക്കി ചുരളിപ്പതാല്‍ ഭാഗത്ത് നടത്തിയ റെയ്ഡിലാണ് കൊട്ടരത്തില്‍ കുട്ടപ്പന്റെ പുരയിടത്തില്‍ ക്യഷിചെയ്ത കഞ്ചാവ് ചെടികള്‍ പിടികൂടി നശിപ്പിച്ചത്. 178 സെന്റിമീറ്റര്‍ നീളമുള്ള മുന്തിയ ഇനം നീലച്ചടയന്‍ ചെടികളാണ് നശിപ്പിച്ചത്.
വിത്ത് ഉല്‍പാദനത്തിന് വേണ്ടി ക്യഷി ചെയ്തതാണെന്ന് സംശയിക്കുന്നതായി എക്‌സൈസ് ഉദ്യോഗസ്ഥര്‍ പറഞ്ഞു. സ്ഥലമുടമ കുട്ടപ്പനെതിരെ കോസെടുത്ത് മേല്‍നടപടികള്‍ സ്വീകരിച്ചു. എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ടി.എ അശോക്കുമാറിന്റെ നേതൃത്വത്തിലാണ് റെയ്ഡ് നടത്തിയത്.
എക്‌സൈസ് ഓഫീസര്‍മാരായ യൂനസ് ഇ.എച്ച്, സിജു പി.ടി, ബിനോയി കെ.ജെ,ഷിജില്‍,ഷിജുമോന്‍,ജെലീല്‍,സിനില്‍ കുമാര്‍ തുടങ്ങിയവര്‍  റെയ്ഡില്‍ പങ്കെടുത്തു.