കൊപ്പം: 'വിശുദ്ധകഅ്ബ' വിസ്മയങ്ങള്‍ നിറഞ്ഞ പുണ്യ ഗേഹവും പറഞ്ഞാല്‍ തീരാത്ത അത്ഭുതങ്ങളുടെ കലവറയുമാണെന്ന് റഹ്മത്തുല്ല ഖാസിമി മൂത്തേടം പറഞ്ഞു. ആമയൂരില്‍ സി.കെ ട്രാവല്‍സ് സംഘടിപ്പിച്ച പ്രഭാഷണ സദസില്‍ 'കഅ്ബ ഒരു വിസ്മയം' എന്ന വിഷയത്തില്‍ മുഖ്യപ്രഭാഷണം നിര്‍വ്വഹിക്കുകയായിരുന്നു അദ്ദേഹം.
സമസ്ത മുശാവറ അംഗം സയ്യിദ് കെ.പി.സി തങ്ങള്‍ വല്ലപ്പുഴ ഉദ്ഘാടനം നിര്‍വഹിച്ചു. ആമയൂര്‍ മഹല്ല് ഖത്തീബ് സയ്യിദ് അബ്ദുറഹ്മാന്‍ ജിഫ്രി തങ്ങള്‍ അധ്യക്ഷനായി.
സി.കെ ഉമര്‍ അന്‍വരി, ഷബീര്‍ ഫൈസി, സമസ്ത മുഫത്തിശ് ബാദുഷ അന്‍വരി, അബ്ദുല്ല ദാരിമി അല്‍ഹൈത്തമി, അബ്ദുല്‍ നാസര്‍ ഫൈസി പ്രസംഗിച്ചു.