പാവറട്ടി: ജനങ്ങള്‍ക്കിടയില്‍ ഭീതി പരത്തി പാവറട്ടി മേഖലയില്‍ ഡെങ്കിപ്പനി പടര്‍ന്ന് പിടിക്കുന്നു. പാവറട്ടി, മനപ്പടി, വെന്മേനാട്, ചുക്കുബസാര്‍ മേഖലകളിലാണ് പനി പടര്‍ന്ന് പിടിക്കുന്നത്.
പനി ബാധിച്ച് മുളങ്കുന്നത്ത്കാവ് മെഡിക്കല്‍ കോളജില്‍ ചികിത്സ തേടിയ മൂന്ന് പേരില്‍ ഒരാള്‍ക്ക് ഡെങ്കിപ്പനി സ്ഥിരീകരിച്ചിട്ടുണ്ട്.
ചുക്കുബസാര്‍ പ്രദേശത്ത് താമസിക്കുന്ന പൊതുപ്രവര്‍ത്തകന്‍ കൂടിയായ ഇദ്ദേഹത്തിന്റെ ചികിത്സയില്‍ പുരോഗതിയുണ്ടെന്ന് ഡോക്ടര്‍മാര്‍ പറഞ്ഞു. മനപ്പടിയിലുള്ള ഒരു യുവാവും ഡെങ്കിപ്പനിക്ക് ചികിത്സ തേടിയിരുന്നു.
ആരോഗ്യ വകുപ്പ് ഉദ്യോഗസ്ഥര്‍, ആശാ വര്‍ക്കര്‍മാര്‍ എന്നിവരുടെ നേതൃത്വത്തില്‍ കൊതുക് നശീകരണ പ്രവര്‍ത്തനങ്ങള്‍ നടത്തി വരുന്നുണ്ട്. കൂത്താടി നശീകരണവും ഇവയെ പുകച്ച് കളയുകയുമാണ് ചെയ്യുന്നത്.