വാണിമേല്‍: ഉമ്മത്തൂര്‍ ഹയര്‍ സെക്കന്‍ഡറി സ്‌കൂളില്‍ നടന്ന സബ്ജില്ലാ ചെസ്  മത്സരത്തില്‍ ജൂനിയര്‍ ബോയ്‌സ്, ഗേള്‍സ്, സബ്ജൂനിയര്‍ ഗേള്‍സ്, ബോയ്‌സ് വിഭാഗത്തില്‍ വാണിമേല്‍ ക്രസന്റ് സ്‌കൂളിന് നേട്ടം. ജൂനിയര്‍ വിഭാഗം ആണ്‍കുട്ടികളുടെ വിഭാഗത്തില്‍ പത്താംതരം വിദ്യാര്‍ഥി അഷ്ഫാക്ക് അഷ്‌റഫും സബ്ജൂനിയര്‍ ആണ്‍ കുട്ടികളുടെ വിഭാഗത്തില്‍ എട്ടാംതരം വിദ്യാര്‍ഥി എഫിന്‍ ബിനുവും ഒന്നാം സ്ഥാനം നേടി. ജൂനിയര്‍ ഗേള്‍സ് വിഭാഗത്തില്‍ ഒന്‍പതാം ക്ലാസിലെ ഫര്‍സാനയും സബ്ജൂനിയര്‍ ഗേള്‍സ് വിഭാഗത്തില്‍ എട്ടാം ക്ലാസിലെ നാജിയ പര്‍വിനും രണ്ടാം സ്ഥാനം നേടി. നാലുപേരും ജില്ലാതല മത്സരത്തില്‍ പങ്കെടുക്കാന്‍ അര്‍ഹത നേടിയിട്ടുണ്ട്.