വളാഞ്ചേരി: മൂന്ന് ദിവസം വീട്ടുകാരുടെ ഉറക്കംകെടുത്തിയ മൂര്‍ഖന്‍ പാമ്പിനെ പിടികൂടി. തൃത്താല പട്ടിത്തറയില്‍ മേപ്പറമ്പില്‍ മണികണ്ഠന്റെ ഷീറ്റുമേഞ്ഞ വീടിന്റ മേല്‍കൂരയിലാണ് മൂന്ന് ദിവസം മുമ്പ് മൂര്‍ഖന്‍ പാമ്പിനെ കണ്ടത്.
വീട്ടുകാര്‍ വടിയെടുത്ത് തട്ടിയതോടെ പാമ്പ് അപ്രത്യക്ഷമായി. ഇതോടെ ഭാര്യയും കുട്ടികളും അടങ്ങുന്ന മണികണ്ഠന്റെ കുടുമ്പം വീടുമാറി താമസമാക്കി. നാലാംദിവസം വീണ്ടും പാമ്പിനെ കണ്ടതിനെത്തുടര്‍ന്ന് പാമ്പുപ്പിടുത്തകാരന്‍ കൈപ്പുറം അബ്ബാസിനെ വിവരമറിയിക്കുകയായിരുന്നു. തുടര്‍ന്ന് അബ്ബാസെത്തി വീടിന്റ മേല്‍ക്കൂര പൊളിച്ച് ഇറക്കിനോക്കിയപ്പോള്‍ കഴുക്കോലായി വെച്ച കവുങ്ങിനുള്ളില്‍ പാമ്പിനെ കണ്ടെത്തി. മൂന്ന് മണിക്കൂര്‍ നേരത്തെ പരിശ്രമത്തിനൊടുവില്‍ നാട്ടുകാരുടെ സഹായത്തോടെ കവുങ്ങ് പൊളിച്ച് പാമ്പിനെ പിടികൂടുകയായിരുന്നു.