മെക്‌സിക്കോ: മെക്‌സിക്കോയില്‍ പെട്രോ കെമിക്കല്‍ ഓയില്‍ പ്ലാന്റിലുണ്ടായ പൊട്ടിത്തെറിയില്‍ മൂന്നു പേര്‍ മരിച്ചു. 105 ലധികം പേര്‍ക്കു പരിക്കേല്‍ക്കുകയും ചെയ്തു.തെക്ക് കിഴക്കന്‍ മെക്‌സികോയിലെ വെറാക്രൂസിലാണ് പൊട്ടിത്തെറിയുണ്ടായത്. പൊട്ടിത്തെറിയെ തുടര്‍ന്ന് സംഭവസ്ഥലത്തുനിന്നു നൂറു കണക്കിനാളുകളെ സുരക്ഷിതസ്ഥലത്തേക്കു മാറ്റിയതായും വിദ്യാഭ്യാസ സ്ഥാപനങ്ങള്‍ അടച്ചതായും പോലീസ് അറിയിച്ചു. അപകടം സംഭവിച്ച 105 ആളുകളില്‍ 58 പേര്‍ പ്ലാന്റിലെ തൊഴിലാളികളാണ്. ഈ വര്‍ഷം ഫെബ്രുവരിയില്‍ ഇതേ പ്ലാന്റില്‍ തീപിടുത്തം ഉണ്ടായിരുന്നു.മെക്‌സിക്കന്‍ നാഷണല്‍ ഓയില്‍ കമ്പനിയായ പ്രിമെക്‌സിന്റെ പ്ലാന്റിലാണ് സ്‌ഫോടനമുണ്ടായത്. അപകടമുണ്ടാകാനുള്ള കാരണം വ്യക്തമല്ല.