എരുമപ്പെട്ടി:ബസ്സില്‍ യാത്ര ചെയ്യുകയായിരുന്ന വയോധികയുടെ സ്വര്‍ണവും പണവും കവര്‍ന്നു. കടങ്ങോട് സ്വാമിപടി കുറ്റിയില്‍ ബീവാത്തു(64)ന്റെ ഒരു പവനോളം വരുന്ന സ്വര്‍ണവളയും പണവുമാണ് ബസ്സില്‍ വെച്ച് മോഷണം പോയത്. ഇന്നലെ രാവിലെ 10 മണിയോടെയാണ് സംഭവം.
സ്വര്‍ണം പണയം വെക്കുന്നതിനായി എരുമപ്പെട്ടിയില്‍ നിന്നും കുന്നംകുളത്തേക്ക് ബസില്‍ യാത്ര ചെയ്യുന്നതിനിടെയാണ് കവര്‍ച്ച നടന്നത്.യാത്രാമധ്യേ വെള്ളറക്കാട് വെച്ചാണ് മോഷണം നടന്ന വിവരം ബീവാത്തു അറിയുന്നത്. കവറില്‍ സുക്ഷിച്ചിരുന്ന സ്വര്‍ണവും പണവും ബ്ലേഡ് ഉപയോഗിച്ച് കവര്‍ കീറിയാണ് മോഷ്ടാക്കള്‍ കവര്‍ന്നിട്ടുള്ളത്.
തമിഴ് സ്ത്രീകളാണ് മോഷണത്തിന് പിന്നിലെന്ന് സംശയിക്കുന്നു.എരുമപ്പെട്ടി പൊലിസില്‍ പരാതി നല്‍കി. ഇതിനു മുന്‍പും സമാനരീതിയില്‍ കുന്നംകുളം വടക്കാഞ്ചേരി റൂട്ടിലോടുന്ന ബസുകളില്‍ മോഷണം നടന്നിട്ടുള്ളതായി പരാതിയു@ണ്ട്.