അലെപ്പോ: സിറിയയിലെ തന്ത്രപ്രധാന നഗരമായ അലെപ്പോ തിരിച്ചുപിടിക്കാന്‍ സിറിയന്‍ സൈന്യം പോരാട്ടം ശക്തമാക്കി. കഴിഞ്ഞ ദിവസം 100 വ്യോമാക്രമണങ്ങളാണ് സിറിയന്‍ സൈന്യം നടത്തിയത്. 26 പേര്‍ കൊല്ലപ്പെട്ടു. റഷ്യന്‍ സൈന്യത്തിന്റെ പിന്തുണയോടെയാണ് സിറിയന്‍ സൈന്യം നഗരം പിടിച്ചെടുക്കാന്‍ ആക്രമണം ശക്തിപ്പെടുത്തിയത്.
സിറിയന്‍ വിമതരുടെ പിടിയിലുള്ള കിഴക്കന്‍ മേഖലയിലായിരുന്നു ആക്രമണം. ഈ പ്രദേശങ്ങളില്‍ നിന്ന് 2.5 ലക്ഷം പേര്‍ കഴിഞ്ഞ ദിവസങ്ങളിലായി പലായനം ചെയ്യുകയോ യുദ്ധക്കെടുതികള്‍ക്ക് ഇരയാകുകയോ ചെയ്തിട്ടുണ്ട്. അലെപ്പോയുടെ 15 അയല്‍പ്രദേശങ്ങളിലും വ്യോമാക്രമണം നടക്കുന്നുണ്ട്. കിഴക്കന്‍ അലെപ്പോയിലെ മൂന്നു കേന്ദ്രങ്ങള്‍ കേന്ദ്രീകരിച്ചാണ് പ്രധാനമായും വ്യോമാക്രമണം നടന്നത്. ആംബുലന്‍സുകളടക്കം രക്ഷാപ്രവര്‍ത്തകരുടെ വാഹനങ്ങള്‍ക്ക് നേരെയും ആക്രമണം നടന്നു.