മീനങ്ങാടി: ശാസ്ത്ര സാങ്കേതിക മേഖലകളില്‍ ഉന്നതവിജയം കരസ്ഥമാക്കിയ വിദ്യാര്‍ഥികള്‍ക്കായി ഇന്‍സ്പയര്‍ എക്‌സ്‌പോ സംഘടിപ്പിച്ചു. കേരള ശാസ്ത്ര സാങ്കേതിക പരിസ്ഥിതി കൗണ്‍സിലും പൊതുവിദ്യാഭ്യാസ വകുപ്പും സംയുക്തമായാണ് കാക്കവയല്‍ ഗവ.ഹയര്‍ സെക്കന്‍ഡറി സ്‌കൂളില്‍ ഇന്‍സ്പയര്‍ എക്‌സ്‌പോ സംഘടിപ്പിച്ചത്. ശാസ്ത്ര സാങ്കേതിക മേഖലകളില്‍ മികച്ച ശാസ്ത്രജ്ഞരെ സൃഷ്ടിക്കുക എന്ന ലക്ഷ്യവുമായി ശാസ്ത്ര പ്രതിഭകളായ വിദ്യാര്‍ഥികള്‍ക്ക് ഇന്‍സ്‌പെയര്‍ അവാര്‍ഡ് നല്‍കുന്നുï്. ഇതിനോടനുബന്ധിച്ചാണ് ഇന്‍സ്‌പെയര്‍ എക്‌സ്‌പോ നടത്തിയത്. ജില്ലയിലെ വിവിധ സ്‌കൂളുകളിലെ 68 വിദ്യാര്‍ഥികള്‍ പങ്കെടുത്തു. പരിപാടിയുടെ ഭാഗമായി അടുക്കളയിലെ രസതന്ത്രം എന്ന വിഷയത്തില്‍ പിണങ്ങോട് ഡ.ബ്ല്യൂ.ഒ.എച്ച്.എസ്.എസിലെ അധ്യാപകന്‍ ടി മുജീബ് ക്ലാസെടുത്തു. ജില്ലാ പഞ്ചായത്ത് പ്രസിഡന്റ് ടി ഉഷാകുമാരി ഉദ്ഘാടനം നിര്‍വഹിച്ചു. ജില്ലാ പഞ്ചായത്ത് ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ എ ദേവകി, ജില്ലാ പഞ്ചായത്ത് വികസനകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ കെ മിനിയും വിജയികള്‍ക്കുള്ള സമ്മാനദാനം നിര്‍വഹിച്ചു. മുട്ടില്‍ പഞ്ചായത്ത് പ്രസിഡന്റ് എ.എം നജീം അധ്യക്ഷനായി.
ഡി.ഡി.ഇ എം ബാബുരാജന്‍. എം.ഒ ദേവസ്യ, എം.സി ബാലകൃഷ്ണന്‍, എ.പി അഹമ്മദ്, ഡോക്ടര്‍ കെ. എം ഉണ്ണികൃഷ്ണന്‍, ജി.എന്‍ ബാബുരാജ്, കെ.എസ് മഹേഷ് ബാബു, ഉമ്മര്‍ പൂപ്പറ്റ, പി സാജിത, കെ പ്രസന്ന, പി.എം ഗീത, ടി.ജി സജി, പി.എസ് ഗിരീഷ് കുമാര്‍ സംസാരിച്ചു.