കഠിനംകുളം: ഇരട്ടക്കൊലക്കേസിലെ പ്രതി ഒരുകിലോ കഞ്ചാവുമായി പിടിയില്‍. മേനംകുളം കല്‍പനാ കോളനിയില്‍ ചിറയരികത്തു പുതുവല്‍ പുത്തന്‍വീട്ടില്‍ സുജിത് (32 )നെയാണ് കഴക്കൂട്ടം കുമിഴിക്കരയില്‍നിന്നും പൊലിസ് അറസ്റ്റുചെയ്തത്.
കഴക്കൂട്ടം കല്‍പ്പനയില്‍നടന്ന ഇരട്ടക്കൊല കേസുള്‍പ്പടെ നിരവധി കേസുകളില്‍ പ്രതിയാണ് ഇയാള്‍. ജാമ്യത്തിലിറങ്ങിയശേഷം കഞ്ചാവു കച്ചവടംനടത്തുന്നതായി രഹസ്യവിവരത്തിന്റെ അടിസ്ഥാനത്തിലാണ് പ്രതിയെ പൊലിസ് അറസ്റ്റുചെയ്തത്. കഴക്കൂട്ടം സൈബര്‍ സിറ്റി പൊലിസ് അസിസ്റ്റന്റ് കമ്മിഷണര്‍ പ്രമോദ്കുമാറിന്റെ നേതൃത്വത്തില്‍ ടെക്‌നോപാര്‍ക് കഴക്കൂട്ടം സര്‍ക്കിള്‍ ഇന്‍സ്‌പെക്ടര്‍ സി. അജയ്കുമാര്‍, കഴക്കൂട്ടം എസ്.ഐ. വി.വി ദിപിന്‍, എസ്.ഐ സീതാറാം എന്നിവരടങ്ങുന്ന സംഘമാണ് പ്രതിയെ അറസ്റ്റുചെയ്തത്.