കൊല്ലം: കോര്‍പ്പറേഷനിലെ 35ാം ഡിവിഷനിലെ(കയ്യാലയ്ക്കല്‍) ഉപതെരഞ്ഞെടുപ്പ് ഒക്‌ടോബര്‍ 21ന് നടക്കും. തെരഞ്ഞെടുപ്പ് വിജ്ഞാപനം 26ന് പരസ്യപ്പെടുത്തും.
നാമനിര്‍ദേശ പത്രികകള്‍ ഒക്‌ടോബര്‍ മൂന്നുവരെ സമര്‍പ്പിക്കാം. നാമനിര്‍ദേശ പത്രികകളുടെ സൂക്ഷ്മപരിശോധന ഒക്‌ടോബര്‍ നാലിനാണ്. ഒക്‌ടോബര്‍ ആറുവരെ സ്ഥാനാര്‍ഥിത്വം പിന്‍വലിക്കാം. വോട്ടെണ്ണല്‍ ഒക്‌ടോബര്‍ 22ന് നടക്കും. തെരഞ്ഞെടുപ്പ് ചെലവ് കണക്ക് അധികാരപ്പെടുത്തിയ ഉദ്യോഗസ്ഥന് സമര്‍പ്പിക്കാനുള്ള അവസാന തിയതി നവംബര്‍ 21.
ഈ വാര്‍ഡിലെ കൗണ്‍സിലറായിരുന്ന എം. നൗഷാദ് നിയമസഭാംഗമായി തെരഞ്ഞെടുക്കപ്പെട്ടതിനെത്തുടര്‍ന്നാണ് ഉപതെരഞ്ഞെടുപ്പ് നടത്തുന്നത്.