ദമ്മാം: കഴിഞ്ഞ ദിവസം അല്‍ ഹസ ഖത്തര്‍ റോഡില്‍ വച്ചുണ്ടായ വാഹനാപകടത്തില്‍ തൃശൂര്‍ വാഴക്കോട് മുല്ലുക്കര സ്വദേശി കൊണ്ടഴിപിലാക്കല്‍ ഹമീദിന്റെ മകന്‍ സുനീര്‍ ഹമീദ് മരണപ്പെട്ടു. അല്‍ ഹസയില്‍ നിന്നും സാല്‍വയിലേക്ക് പോകുന്ന വഴി സുനീര്‍ ഓടിച്ചിരുന്ന വാഹനം ബലദിയയുടെ വാഹനവുമായി കൂട്ടിയിടിച്ച് അപകടത്തില്‍പ്പെടുകയും സുനീര്‍ സംഭവസ്ഥലത്ത് വച്ചുതന്നെ മരണപ്പെടുകയുമായിരുന്നു. അല്‍ ഹസയിലെ നജ എന്ന ബേക്കറിയില്‍ കഴിഞ്ഞ ആറു വര്‍ഷമായി സെയില്‍സ്മാന്‍ ആയി ജോലി ചെയ്യുകയായിരുന്നു സുനീര്‍.
മൃതദേഹം അല്‍ ഹസ കിംഗ് ഫഹദ് ആശുപത്രിയില്‍ സൂക്ഷിച്ചിരിക്കുകയാണ്. സുനീറിന്റെ സഹോദരന്‍ മന്‍സൂര്‍ അല്‍ ഹസയില്‍ തന്നെയുള്ള ഒരു സൂപ്പര്‍ മാര്‍ക്കറ്റില്‍ ജോലി ചെയ്യുന്നുണ്ട്. ജുമൈല ആണ് ഭാര്യ.സന(5),സിയ (3)മക്കളും ഫാത്തിമ മാതാവുമാണ്.