കോട്ടയം: അന്താരാഷ്ട്ര ബധിരദിനാഘോഷവും ജില്ലാ ബധിരസംഗമവും ഇന്ന് ഏറ്റുമാനൂരില്‍ നടക്കും. താരാ ഓഡിറ്റോറിയത്തില്‍ നടക്കുന്ന ബധിര സംഗമം രാവിലെ 10ന് കെ സുരേഷ് കുറുപ്പ് എം.എല്‍.എ ഉദ്ഘാടനം ചെയ്യും.തുടര്‍ന്ന് 11.45ന് ഫാഷന്‍ഷോയും സെമിനാറും നടക്കും.
ഉച്ചകഴിഞ്ഞ് രണ്ടിനു നടക്കുന്ന സാംസ്‌കാരിക സമ്മേളനം മുന്‍ മന്ത്രി തിരുവഞ്ചൂര്‍ രാധാക്യഷ്ണന്‍ ഉദ്ഘാടനം ചെയ്യും. ലതിക സുഭാഷ് അധ്യക്ഷത വഹിക്കും.സുരേഷ് കുറുപ്പ് എം.എല്‍.എ മുഖ്യപ്രഭാഷണം നടത്തും. ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ്,ബ്ലോക്ക് പഞ്ചായത്ത് പ്രസിഡന്റ് പി.വി മൈക്കിള്‍ തുടങ്ങിയവര്‍ സംസാരിക്കും.