മുഡുബിദ്രി(മംഗളൂരു): ഭര്‍ത്താവിനെ കൊലപ്പെടുത്തിയ സംഭവത്തില്‍ ഭാര്യയുടെ കാമുകനെ മൂഡുബിദ്രി പൊലിസ് അറസ്റ്റു ചെയ്തു. ഉപ്പിനങ്ങാടി സ്വദേശി ജയരാജ് (26)ആണ് കൊല്ലപ്പെട്ടത്. ജയരാജനും ഭാര്യയും മൂഡുബിദ്രി മൂഡുകൊണാജെ കുക്കടക്കട്ടെയിലാണ് താമസം. ജയരാജ് വീട്ടിലുള്ള വിവരം ഇയാളുടെ ഭാര്യ കാമുകനായ ആനന്ദിനെ അറിയിക്കുകയായിരുന്നു. ഇതറിഞ്ഞ ആനന്ദ് ഇവരുടെ വീട്ടിലെത്തി ഇരുമ്പ് വടികൊണ്ട് തലക്കടിച്ച് ജയരാജിനെ കൊലപ്പെടുത്തുകയായിരുന്നു. കൊലപാതകത്തിന് ശേഷം മൃതദേഹത്തില്‍ മറ്റൊരാളുടെ സഹായത്തോടെ കല്ലുവച്ച് വച്ചു കെട്ടി കിണറ്റില്‍ തള്ളുകയും ചെയ്തു. ജയരാജനെ കാണാനില്ലെന്ന പരാതി ലഭിച്ചതിനെത്തുടര്‍ന്ന് മൂഡുബിദ്രി പൊലിസ് നടത്തിയ അന്വേഷണത്തിലാണ് ജയരാജിനെ കൊലപ്പെടുത്തി കിണറ്റില്‍ തള്ളിയതായി കണ്ടെത്തിയത്. സംഭവത്തില്‍ ആനന്ദിനെ പൊലിസ് അറസ്റ്റു ചെയ്തു.