തിരുവനന്തപുരം:അന്തര്‍ സംസ്ഥാന സര്‍വിസുകള്‍ നടത്തി ലാഭമുണ്ടാക്കാനുള്ള വഴിയുമായി കെ.എസ്.ആര്‍.ടി.സി. ആദ്യപടിയായി ഗോവയിലേക്കും മുംബൈയിലേക്കും പുതിയ ബസ് സര്‍വിസുകള്‍ ആരംഭിക്കും. ഇതു സംബന്ധിച്ചുള്ള കരാറുകള്‍ വകുപ്പ് സെക്രട്ടറിമാര്‍ ഉടന്‍ തന്നെ ഒപ്പിടും. ആദ്യഘട്ടമായി ആഴ്ചയില്‍ രണ്ടു സര്‍വിസുകള്‍ നടത്താനാണ് ആലോചിക്കുന്നത്. ഒരെണ്ണം തിരുവനന്തപുരത്ത് നിന്നു ആരംഭിച്ച് പനാജി വരെയും രണ്ടാമത്തേത് എറണാകുളത്തു നിന്ന് ആരംഭിച്ച് ഗോവ വഴി മുംബൈയിലേയ്ക്കുമാണ് സര്‍വിസ് നടത്തുന്നത്.
ഗോവ ഗതാഗത മന്ത്രി രാമകൃഷ്ണയുമായി മന്ത്രി എ.കെ ശശീന്ദ്രന്‍ ഇതു സംബന്ധിച്ച് ചര്‍ച്ച നടത്തിയിരുന്നു.
മുംബൈക്കും ഗോവയ്ക്കും ശേഷം ഹൈദ്രാബാദിലേയ്ക്കും സര്‍വിസ് ആരംഭിക്കാനാണ് ആലോചിക്കുന്നത്. അന്തര്‍ സംസ്ഥാന സര്‍വിസിനായി സ്‌കാനിയ ബസുകളായിരിക്കും ഉപയോഗിക്കുക.