വിതുര: പിണറായി സര്‍ക്കാരിന്റെ സ്വാശ്രയ കൊള്ളയ്‌ക്കെതിരേ സെക്രട്ടേറിയറ്റിനു മുന്നില്‍ സമരം നടത്തുന്ന യൂത്ത്‌കോണ്‍ഗ്രസ് നേതാക്കള്‍ക്ക് അഭിവാദ്യം അര്‍പ്പിച്ചും സമരം നടത്തുന്ന പ്രവര്‍ത്തകരെ തല്ലിച്ചതയ്ക്കുന്ന പൊലിസ് നയത്തില്‍ പ്രതിഷേധിച്ചും യൂത്ത് കോണ്‍ഗ്രസ് മണ്ഡലം കമ്മിറ്റി വിതുരയില്‍ പ്രകടനം നടത്തി.
ചന്തമുക്കില്‍ തുടങ്ങിയ പ്രകടനം കലുങ്ക് ജങ്ഷനില്‍ സമാപിച്ചു. പ്രതിഷേധസംഗമം യൂത്ത്‌കോണ്‍ഗ്രസ് നിയോജകമണ്ഡലം ജനറല്‍ സെക്രട്ടറി വിഷ്ണു ആനപ്പാറ ഉദ്ഘാടനം ചെയ്തു. മണ്ഡലം പ്രസിഡന്റ് മേമല അന്‍സര്‍ അധ്യക്ഷനായി. യൂത്ത്‌കോണ്‍ഗ്രസ് തൊളിക്കോട് മണ്ഡലം പ്രസിഡന്റ് കെ.എന്‍ അന്‍സര്‍, ജോയി, സുബീഷ്, സിദ്ദീഖ്, അനന്തു കൃഷ്ണ, അനൂപ്, ജിത്തു, ജവാദ് എന്നിവര്‍ പങ്കെടുത്തു.