വെല്ലിങ്ടണ്‍: ഇന്ത്യയുമായുള്ള ഡേ-നൈറ്റ് ടെസ്റ്റ് മത്സരങ്ങളില്‍ അന്തിമ തീരുമാനമായിട്ടില്ലെന്ന് ന്യൂസിലന്‍ഡ് ക്രിക്കറ്റ്. പിങ്ക് നിറത്തിലുള്ള പന്തുകള്‍ ഉപയോഗിക്കുന്നതില്‍ മത്സരത്തിന് മുന്‍പ് മുന്നൊരുക്കങ്ങള്‍ ആവശ്യമാണ്. എന്നാല്‍ അതിന് അധികം സമയമെടുക്കില്ലെന്ന് ന്യൂസിലന്‍ഡ് ക്രിക്കറ്റ് അധ്യക്ഷന്‍ ലിന്‍ഡ്‌സെ ക്രോക്കര്‍ പറഞ്ഞു. നേരത്തെ ബി.സി.സി.ഐ സെക്രട്ടറി അനുരാഗ് ഠാക്കൂര്‍ ന്യൂസിലന്‍ഡ് ഇന്ത്യയില്‍ വച്ച് ഡേ-നൈറ്റ് ടെസ്റ്റുകള്‍ കളിക്കുമെന്ന് വ്യക്തമാക്കിയിരുന്നു.